ଲାପଟପ ପାଇଁ ବିଧାୟକଙ୍କୁ ମିଳିବ ଲକ୍ଷେ ଟଙ୍କା
ଲାପଟପ ପାଇଁ ବିଧାୟକଙ୍କୁ ମିଳିବ ଲକ୍ଷେ ଟଙ୍କା
admin
6697
ଭୁବନେଶ୍ୱର: ଏଣିକି ପେପରଲେସ୍ ହେବ ଓଡ଼ିଶା ବିଧାନସଭା । ସବୁ କାମ କମ୍ପୁ୍ୟଟର ଓ ଅନ୍ଲାଇନ ମାଧ୍ୟମରେ ହେବ । ଏଥିପାଇଁ ସମସ୍ତ ବିଧାୟକଙ୍କୁ ସରକାର ଲାପ୍ଟପ୍ ଯୋଗାଇ ଦେବେ । ଲାପ୍ଟପ୍ କିଣା ପାଇଁ ପ୍ରତି ବିଧାୟକଙ୍କୁ ଲକ୍ଷେ ଟଙ୍କା ଦିଆଯିବ । ୫ଟି ବ୍ରାଣ୍ଡର ଲାପ୍ଟପ୍ କିଣି ପାରିବେ । ଏବେ ସୁଦ୍ଧା ୪୭ ବିଧାୟକ ଲାପ୍ଟପ୍ କିଣିବାକୁ କୋଟେସନ୍ ଦେଇ ସାରିଲେଣି ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ସୂଚନା ଦେଇଛନ୍ତି ।
ଶ୍ରୀ ପାତ୍ର କହିଛନ୍ତି ଓଡ଼ିଶା ବିଧାନସଭାରେ ଖୁବ୍ଶୀଘ୍ର ବ୍ୟବଧାନ କାର୍ଯ୍ୟକାରୀ ହେବ । ଏଥିପାଇଁ ଗତ କିଛି ଦିନ ତଳେ କିଛି ବିଧାୟକମାନେ ହିମାଚଳ ପ୍ରଦେଶ ଯାଇ ସେଠାକାର ବିଧାନସଭା ଅନୁଧ୍ୟାନ କରି ଫେରିଥିଲେ । ସେଠାରେ ଇ-ବିଧାନସଭା ସଫଳତାର ସହ କାର୍ଯ୍ୟକାରୀ ହେଉଛି । ଏଥିପାଇଁ ଓଡ଼ିଶା ବିଧାନସଭାରେ ଏହାକୁ ଲାଗୁ କରିବାକୁ ପ୍ରକି୍ରୟା ଆରମ୍ଭ ହୋଇଛି । ଆବଶ୍ୟକ ପଦକ୍ଷେପ ନେବାକୁ ଏନ୍ଆଇସିକୁ ନିଦେ୍ର୍ଧଶ ଦେଇଛୁ । ୱାଇଫାଇ ସୁବିଧା ସହ ଅନ୍ୟ ଆବଶ୍ୟକୀୟ ଭିତ୍ତିଭୂମି ବ୍ୟବସ୍ଥା କରାଯିବ । ଇ-ବିଧାନସଭା କାର୍ଯ୍ୟକାରୀ ପୂର୍ବରୁ ପ୍ରଥମେ ସମସ୍ତ ବିଧାୟକ ଓ ବିଧାନସଭା କର୍ମଚାରୀଙ୍କୁ ତାଲିମ ଦିଆଯିବ । ତାଲିମ ଓ ଅନ୍ୟ ଭିତ୍ତିଭୂମି ପାଇଁ ଟେଣ୍ଡର ଆହ୍ୱାନ କରିବାକୁ ପୂର୍ତ୍ତ ବିଭାଗର ସଚିବ ଓ ଅର୍ଥ ବିଭାଗର ସଚିବଙ୍କୁ ନେଇ ଏକ କମିଟି ଗଢ଼ା ଯାଇଛି ବୋଲି ସେ ସୂଚନା ଦେଇଛନ୍ତି ।
