ଲଭ୍ ଜିହାଦ ଘଟଣା ସତ ବୋଲି ସ୍ୱୀକାର କରିଛି କେରଳ ଚର୍ଚ୍ଚ
ଲଭ୍ ଜିହାଦ ଘଟଣା ସତ ବୋଲି ସ୍ୱୀକାର କରିଛି କେରଳ ଚର୍ଚ୍ଚ
admin
4246
ନୂଆଦିଲ୍ଲୀ - ଲଭ୍ ଜିହାଦ ଘଟଣାକୁ ସତ ବୋଲି ଗୁରୁବାର ସ୍ୱୀକାର କରିଛି କେରଳର ଏକ ପ୍ରମୁଖ ଚର୍ଚ୍ଚ । କାର୍ଡିନାଲ ଜର୍ଜ ଆଲେନଚେରୀଙ୍କ ଅଧ୍ୟକ୍ଷତାରେ ପରିଚାଳିତ କ୍ୟାଥୋଲିକ ବିସପଙ୍କ ସର୍ବୋଚ୍ଚ ସଂସ୍ଥା ସାଇରୋ ମାଳବାର ଚର୍ଚ୍ଚ କହିଛି ଯେ କେରଳରେ ଶତାଧିକ ଖ୍ରୀଷ୍ଟିଆନ ମହିଳା ଲୋଭରୁ ଆତଙ୍କୀ ସଂଗଠନ ଇସଲାମିକ ଷ୍ଟେଟ (ଆଇଏସ)ର ଜାଲରେ ପଡ଼ିଯାଉଛନ୍ତି । ସେମାନଙ୍କୁ ବଳପୂର୍ବକ ଆତଙ୍କୀ କାର୍ଯ୍ୟକଳାପରେ ନିୟୋଜିତ କରାଯାଉଛି । କିନ୍ତୁ କେରଳ ପୁଲିସ ଲଭ ଜିହାଦ ମାମଲାକୁ ଆଦୌ ଗୁରୁତର ସହ ନେଉ ନାହିଁ କିମ୍ବା ଅଭିଯୋଗ ଉପରେ ଠିକ୍ ସମୟରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହିଁ । ଚର୍ଚ୍ଚ ପକ୍ଷରୁ କୁହାଯାଇଛି ଯେ କେରଳରେ ଯୋଜନାବଦ୍ଧ ଭାବେ ଲଭ୍ ଜିହାଦ ଘଟଣାକୁ ଅନ୍ତିମ ରୂପ ରେଖ୍ ଦିଆଯାଉଛି । ଖ୍ରୀଷ୍ଟିଆନ ଯୁବତୀମାନଙ୍କୁ ଟାର୍ଗେଟ କରାଯାଉଛି । ପୁଲିସ ରେକର୍ଡରେ କୁହାଯାଇଛି କି କେରଳରୁ ଯେଉଁ ୨୧ ଜଣ ଆଇଏସରେ ସାମିଲ ହୋଇଛନ୍ତି ସେମାନଙ୍କ ମଧ୍ୟରୁ ଅଧାଙ୍କୁ ଖ୍୍ରୀଷ୍ଟଧର୍ମରୁ ଅନ୍ୟ ଧର୍ମକୁ ଧର୍ମାନ୍ତରିତ କରାଯାଇଛି । ପୁଲିସ ରେକର୍ଡ ଏହି ଅଭିଯୋଗର ସତ୍ୟତାକୁ ପ୍ରମାଣିତ କରୁଛି । ଲଭ ଜିହାଦ ଘଟଣା ବିଭିନ୍ନ ଧର୍ମରେ ରହିଥିବା ବନ୍ଧୁତା ଓ ଭାତୃତ୍ୱ ଭାବକୁ ନଷ୍ଟ କରୁଛି । ସମାଜରେ ପ୍ରଚଳିତ ଶାନ୍ତି ସଦଭାବକୁ ବିପଦରେ ପକାଉଛି । ତେଣୁ ଲଭ ଜିହାଦରେ ସମ୍ପୃକ୍ତ ବ୍ୟକ୍ତିଙ୍କୁ ତୁରନ୍ତ ଦଣ୍ଡିତ କରିବାକୁ ଚର୍ଚ୍ଚ ଦାବି କରିଛି । ଏଥିସହ ଲଭ ଜିହାଦର ଭୟାବହତା ସମ୍ପର୍କରେ ପିଲାମାନଙ୍କ ଓ ସେମାନଙ୍କ ପିତାମାତାଙ୍କୁ ସଚେତନ କରାଯିବା ଆବଶ୍ୟକ ବୋଲି ଚର୍ଚ୍ଚ ପକ୍ଷରୁ କୁହାଯାଇଛି ।
ଚର୍ଚ୍ଚର ଏହି ଅଭିୌାଗକୁ ବିଶ୍ୱ ହିନ୍ଦୁ ପରିଷଦ (ଭିଏଚପି) ପକ୍ଷରୁ ସ୍ୱାଗତ କରାଯାଇଛି । ଏଥିସହ ଏହା ବିରୋଧରେ ଏକାଠି ଲଢ଼ିବାକୁ ଭିଏଚ୍ପି ଆହ୍ୱାନ ଦେଇଛି । ଅନ୍ୟ ପକ୍ଷରେ କେରଳ ସରକାର ଚର୍ଚ୍ଚର ଅଭିଯୋଗକୁ ଖଣ୍ଡନ କରିଛନ୍ତି । ଜଣେ ସରକାରୀ ମୁଖପାତ୍ର କହିଛନ୍ତି ଚର୍ଚ୍ଚର ଅଭିଯୋଗର କୌଣସି ସତ୍ୟତା ନାହିଁ । ପୂର୍ବରୁ ଲଭ୍ ଜିହାଦ ନେଇ ଅନେକ ଅଭିଯୋଗ ହୋଇଥିଲା । କିନ୍ତୁ ତଦନ୍ତରୁ ତାହା ଭୁଲ ପ୍ରମାଣିତ ହୋଇଛି ।
