ରିୟାଙ୍କ ପାଇଁ ବଲିଉଡ ଦୁଇ ଫାଳ!
ରିୟାଙ୍କ ପାଇଁ ବଲିଉଡ ଦୁଇ ଫାଳ!
admin
1948
ଅଭିନେତା ସୁଶାନ୍ତ ସିଂ ରାଜପୁତ ମୃତୁ୍ୟ ମାମଲାରେ ଛନ୍ଦି ହୋଇଯାଇଥିବା ବାନ୍ଧବୀ ରିୟା ଚକ୍ରବର୍ତ୍ତୀଙ୍କୁ ନେଇ ଏବେ ବଲିଉଡ ଦୁଇ ଫାଳ । ରିୟାଙ୍କ ସମର୍ଥନରେ କିଛି ମୁହଁ ଖୋଲୁଥିବା ବେଳେ ଆଉ କିଛି ତାଙ୍କୁ ଲଗାତାର ବିରୋଧ କରି ଆସୁଛନ୍ତି । ଏକ ସାକ୍ଷାତକାରରେ ସୁଶାନ୍ତଙ୍କୁ କ୍ଲାଉଷ୍ଟ୍ରୋଫୋବିଆ (ବିମାନରେ ବସିଲେ ଅସୁସ୍ଥ ଅନୁଭବ କରିବା) ଥିବା ରିୟା ପ୍ରକାଶ କରିଥିଲେ । ତେବେ ଏହାକୁ ଜୋରଦାର ବିରୋଧ କରିଛନ୍ତି ସୁଶାନ୍ତଙ୍କ ପୂର୍ବତନ ପ୍ରେମିକା ଅଙ୍କିତା ଲୋଖଣ୍ଡେ । ସୁଶାନ୍ତଙ୍କୁ ଏମିତି କୌଣସି ଫୋବିଆ ନଥିବା ଅଙ୍କିତା କହିଛନ୍ତି । ଏହା ସହ ସୁଶାନ୍ତ ଏକ ବିମାନ ଉଡ଼ାଉଥିବାର ଭିଡିଓ ମଧ୍ୟ ସେ ସେୟାର କରିଛନ୍ତି । ସେହିପରି ସୁଶାନ୍ତ ମାନସିକ ଅବସାଦ ଦେଇ ଗତି କରୁଥିବା କଥାକୁ କଙ୍ଗନା ବିରୋଧ କରି କହିଛନ୍ତି ଯେ ସୁଶାନ୍ତ ଆଦୌ ମାନସିକ ରୋଗୀ ନଥିଲେ । ତେବେ ଅଭିନେତ୍ରୀ ବିଦ୍ୟା ବାଲାନ, ସ୍ୱରା ଭାସ୍କର, ଚଳଚ୍ଚିତ୍ର ନିର୍ମାତା ରାମଗୋପାଳ ବର୍ମା, ଟିଭି ଅଭିନେତ୍ରୀ ହିନା ଖାନ ପ୍ରମୁଖ ରିୟାଙ୍କ ସପକ୍ଷରେ ବାହାରିଛନ୍ତି । ଲକ୍ଷ୍ମୀ ମାଞ୍ଚୁ ନାମକ ଜଣେ ଯୁବତୀଙ୍କ ଟ୍ୱିଟକୁ ସମର୍ଥନ ଜଣାଇ ବିଦ୍ୟା କହିଛନ୍ତି ଯେ ଏହା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ ଯେ ସୁଶାନ୍ତ ସିଂହଙ୍କ ମୃତୁ୍ୟ ମାମଲା ଏବେ ଏକ ‘ମିଡିଆ ସର୍କସ’ ରେ ପରିଣତ ହୋଇଛି । ଏହି ପରିପ୍ରେକ୍ଷୀରେ ରିୟାଙ୍କୁ ବାରମ୍ବା ଗାଳି ଦିଆଯିବା, ଆକ୍ଷେପ କରିବା, ଜଣେ ମହିଳା ହିସାବରେ ମୋତେ ବହୁତ କଷ୍ଟ ହେଉଛି । ଜଣେ ଦୋଷୀ ସାବ୍ୟସ୍ତ ନ ହେବାକୁ ତାକୁ ନିଦେ୍ର୍ଧାଷୀ ଭାବେ ବ୍ୟବହାର ପ୍ରଦର୍ଶନ କରାଯାଉ । ଜଣେ ସାମ୍ବିଧାନିକ ଅଧିକାରୀଙ୍କୁ ସମ୍ମାନ ଦିଆଯାଉ ଏବଂ ଆଇନକୁ ତା ବାଟରେ କାମ କରିବାକୁ ଦିଆଯାଉ । ସେହିପରି ଚଳଚ୍ଚିତ୍ର ନିର୍ମାତା ରାମଗୋପାଳ ବର୍ମା କହିଛନ୍ତି ରିୟାଙ୍କ ବିଷୟରେ କିଛି ନ ଜାଣି ଲୋକମାନେ ତାଙ୍କ ଚରିତ୍ର ସଂହାରରେ ଲାଗି ପଡିଛନ୍ତି । ସମସ୍ତେ ରିୟାଙ୍କ ଶିକାର ଏମିତି କରୁଛନ୍ତି ସତେ ଯେମିତି ସେ ଡାହାଣୀ ।
