ରାହୁଲ ଗାନ୍ଧୀଙ୍କୁ ସମନ

Apr 28, 2019 - 05:18 Updated: Apr 28, 2019 - 05:18

5916

ନୂଆଦିଲ୍ଲୀ : ମାନହାନି ମାମଲାରେ ରାହୁଲ ଗାନ୍ଧୀଙ୍କୁ କୋର୍ଟ ସମନ କରିଛନ୍ତି । ବିହାର ଉପମୁଖ୍ୟମନ୍ତ୍ରୀ ତଥଶ ବିଜେପି ନେତା ସୁଶୀଳ ମୋଦି ଦାଏର କରିଥିବା ଏକ ମାନହାନି ମାମଲାକୁ ନେଇ ପାଟନା ସିଭିଲ କୋର୍ଟ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଶନିବାର ସମନ ଜାରି କରିଛନ୍ତି । ସମନରେ ରାହୁଲଙ୍କୁ ମେ’ ୨୦ରେ ହାଜର ହେବାକୁ କୁହାଯାଉଛି । ମୋଦି ସାଙ୍ଗିଆ ଧାରୀ ସମସ୍ତେ ଚୋର ବୋଲି ରାହୁଲ ଦେଇଥିବା ମନ୍ତବ୍ୟକୁ ନେଇ ସୁଶୀଲ ମାନହାନି ମାମଲା ଦାଏର କରିଥିଲେ । ଅପ୍ରେଲ ୧୩ରେ ଏକ ନିର୍ବାଚନୀ ରାଲିକୁ ସମ୍ବୋଧନ ବେଳେ ରାହୁଲ କହିଥିଲେ । ମୋ ମନରେ ପ୍ରଶ୍ନ ଉଠୁଛିଯେ, କାହିଁକି ସମସ୍ତ ଚୋରଙ୍କ ନାମ ପଛରେ ମୋଦି ରହିଛି । ନୀରବ ମୋଦି, ଲଳିତ ମୋଦୀ ଓ ନରେନ୍ଦ୍ର ମୋଦି ଇତ୍ୟାଦି । ଆଗାମୀ ଦିନରେ ଏହି ପ୍ରକାର ମୋଦି କେତେ ଆସିବେ ତାହା ଆମକୁ ଜଣାନାହିଁ । ରାହୁଲଙ୍କ ଏପରି ମନ୍ତବ୍ୟରେ ସୁଶୀଲ ମୋଦି ଅପମାନ ଅନୁଭବ କରିଥିବା ତାଙ୍କ ପିଟିସନରେ ଉଲ୍ଲେଖ କରିଛନ୍ତି ।