ଝାରପଡାରେ ଅନନ୍ତଙ୍କୁ ଆକ୍ରମଣ
ଝାରପଡାରେ ଅନନ୍ତଙ୍କୁ ଆକ୍ରମଣ
admin
6426
ଭୁବନେଶର: ତୃତୀୟ ପର୍ଯ୍ୟାୟ ନିର୍ବାଚନ ପ୍ରଚାରର ଅନ୍ତିମ ଦିବସରେ ମଧ୍ୟ ଭୁବନେଶ୍ୱରରେ ଆଜି ବ୍ୟାପକ ହିଂସାକାଣ୍ଡ ଦେଖିବାକୁ ମିଳିଛି । ୟୁନିଟ-୮ ଅଚଂଳରେ ବିଜେପି ପ୍ରାର୍ଥୀ ଜଗନ୍ନାଥ ପ୍ରଧାନ ଓ ଝାରପଡା କେନାଲ ରୋଡରେ ବିଜେଡି ପ୍ରାର୍ଥୀ ଅନନ୍ତ ନାରାୟଣ ଜେନା ଆକ୍ରମଣର ଶିକାର ହୋଇଛନ୍ତି । ଦୁଇ ସ୍ଥାନରେ ଆକ୍ରମଣକାରୀମାନେ ବୋମାମାଡ ସହ ଢେଲା ମାଡ କରିଥିବା ଅଭିଯୋଗ ହୋଇଛି । ଆକ୍ରମଣରେ ଜଗନ୍ନାଥଙ୍କ ଗାଡି ଭାଙ୍ଗି ଯାଇଥିଲେ ବି ସେ ଅଳ୍ପକେ ବର୍ତି ଯାଇଛନ୍ତି ।କିନ୍ତୁ ଅନନ୍ତ ଓ ତାଙ୍କ ସହଯୋଗୀ ଆକ୍ରମଣରେ ଆହତ ହୋଇ ମେଡିକାଲରେ ଭର୍ତି ହୋଇଥିବା ଜଣାପଡିଛି । ଖବର ପାଇଁ ପୁଲିସ ଘଟଣା ସ୍ଥଳରେ ପହଂଚି ତଦନ୍ତ ଚଳାଇଥିଲେ । ଏହି ଖବର ପ୍ରଚାର ହେବା ପରେ ସମଗ୍ର ମଧ୍ୟ ଭୁବନେଶ୍ୱର ନିର୍ବାଚନମଣ୍ଡଳୀରେ ଉତେଜନା ପ୍ରକାଶ ପାଇଛି ।
