ଯୁବତୀଙ୍କୁ ଗଣଦୁଷ୍କର୍ମ, ୩ ଗିରଫ

Oct 31, 2019 - 10:06 Updated: Oct 31, 2019 - 10:06

6091

ରାଉରକେଲା: ଦୁଷ୍କର୍ମ ବିରୋଧରେ ଆଇନ କଡ଼ାକଡ଼ି ହେବା ଓ ଦୁଷ୍କର୍ମକାରୀଙ୍କ ବିରୋଧରେ କଠୋର ଦଣ୍ଡବିଧାନ ସତ୍ୱେ ଦୁଷ୍କର୍ମ ଘଟଣା ଦିନକୁ ଦିନ ବଢିବାରେ ଲାଗିଛି । କୁଆଁରମୁଣ୍ଡା ଥାନା ଅଞ୍ଚଳରେ ଜଣେ ଯୁବତୀଙ୍କୁ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଏନେଇ ପୁଲିସ ୩ ଜଣଙ୍କୁ ଗିରଫ କରିଛି । କୁଆଁରମୁଣ୍ଡା ଥାନା ଅଞ୍ଚଳର ଏକ ଜଙ୍ଗଲରେ ଯୁବତୀଙ୍କ ଗଣଦୁଷ୍କର୍ମ କରାଯାଇଛି । ଦୁଷ୍କର୍ମର ଶିକାର ପୀଡ଼ିତାଙ୍କ ଅବସ୍ଥା ଗୁରୁତର ଥିବାବେଳେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଅନ୍ୟପକ୍ଷରେ ଆଉ ଜଣେ ଯୁବତୀ ଅଭିଯୁକ୍ତଙ୍କ କବଳରୁ ଖସିଆସିଥିବା ସୂଚନା ମିଳିଛି । ଯୁବତୀଙ୍କ ପରିବାର ପକ୍ଷରୁ ଏନେଇ କୁଆଁରମୁଣ୍ଡା ଥାନାରେ ଏତଲା ଦିଆଯାଇଛି ।