ମ୍ୟାଚ୍ ବେଳେ ପାଣି ବୋହିଲେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ
ମ୍ୟାଚ୍ ବେଳେ ପାଣି ବୋହିଲେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ
admin
2446
କାନବେରା : ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନ ଗୁରୁବାର ଏକ ୱାର୍ମ ଅଫ୍ ମ୍ୟାଚ୍ ବେଳେ ପଡ଼ିଆ ଭିତରକୁ ପାଣି ବୋହି ନେବାର ନୃଶ୍ୟ ଏବେ ସାମାଜିକ ଗଣମାଧ୍ୟମରେ ଚକ୍କର କାଟୁଛି । ବିଭିନ୍ନ ବର୍ଗରୁ ପ୍ରଶଂସା ବି ସାଉଁଟିଛନ୍ତି ୫୧ ବର୍ଷୀୟ ଏହି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ । ରବିବାରଠାରୁ ଅଷ୍ଟ୍ରେଲିଆ ଏବଂ ଶ୍ରୀଲଙ୍କା ମଧ୍ୟରେ ୩ ମ୍ୟାଚ ଟି ୨୦ ଶୃଙ୍ଖଳା ଖେଳାଯିବ । ଗୁରୁବାର କିନ୍ତୁ ପ୍ରଧାନମନ୍ତ୍ରୀ ଏକାଦଶ ଏବଂ ଶ୍ରୀଲଙ୍କା ଏକାଦଶ ମଧ୍ୟରେ ଖେଳାଯାଇଥିଲା । ଶ୍ରୀଲଙ୍କା ପାଳି ବେଳେ ଦାସୁନ ଶଶକାଙ୍କୁ ଡାନିଏଲ ଫଲିନ୍ସ ଆଉଟ୍ କରିବା ମାତ୍ରେ ପ୍ରଧାନମନ୍ତ୍ରୀ ସ୍କଟ୍ ମୋରିସନ ତୁରନ୍ତ ପାଣି ବୋତଲ ଧରି ପଡ଼ିଆ ଭିତରକୁ ପଶି ଆସିଥିଲେ । କିଛି ଅଷ୍ଟ୍ରେଲିଆ ଖେଳାଳି ବି ପ୍ରଧାନମନ୍ତ୍ରୀଙ୍କ ସହ ହାତ ମିଳାଇଥିଲେ ଆଉ କିଛି ପାଣି ପିଇଥିଲେ । ମୋରିସନଙ୍କ ଏଭଳି ଆଚରଣ ଏକ ମହନୀୟ ବାର୍ତ୍ତା ଦେଇଥିଲା । ବିଶ୍ୱରେ କୌଣସି କାମ ଛୋଟ ନୁହେଁ ବୋଲି ସେ ପ୍ରମାଣିତ କରି ଦେଇଥିଲେ । ଆଇସିସି ସହିତ ବିଶ୍ୱ ବ୍ୟାପୀ କି୍ରକେଟ ପ୍ରଶଂସକମାନେ ମଧ୍ୟ ଏହାକୁପ୍ରଶଂସା କରିଛନ୍ତି । ଏହି ମ୍ୟାଚକୁ ମଧ୍ୟ ପ୍ରଧାନମନ୍ତ୍ରୀ ଏକାଦଶ ଶେଷ ଓଭର ରୋମାଞ୍ଚ ସହିତ ୧ ୱିକେଟରେ ଜିତି ନେଇଥିଲା ।
