ମୁଫତିଙ୍କ ବିବାଦୟ ବୟାନ : ହତିଆର ଉଠାଇବାକୁ ବାଧ୍ୟ କାଶ୍ମୀର ଯୁବଗୋଷ୍ଠୀ
ମୁଫତିଙ୍କ ବିବାଦୟ ବୟାନ : ହତିଆର ଉଠାଇବାକୁ ବାଧ୍ୟ କାଶ୍ମୀର ଯୁବଗୋଷ୍ଠୀ
admin
5055
ଶ୍ରୀନଗର : ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫତି ଆଜି ଆଉ ଏକ ବିବାଦୀୟ ବୟାନ ଦେଇଛନ୍ତି । ଜମ୍ମୁ କାଶ୍ମୀର ଯୁବଗୋଷ୍ଠୀଙ୍କ ନିକଟରେ ହତିଆର ଉଠାଇବା ବ୍ୟତିତ ଅନ୍ୟ ବିକଳ୍ପ ନାହିଁ ବୋଲି ମୁଫତି ବୟାନ ଦେଇଛନ୍ତି । କାଶ୍ମୀରରୁ ଧାରା ୩୭୦ ଉଠାଯିବା ପରେ ଆତଙ୍କବାଦ ଆକ୍ରମଣ ବୃଦ୍ଧି ପାଇବାରେ ଲାଗିଛି । ପ୍ରତି ଗ୍ରାମରୁ ୧୦-୧୫ ଜଣ ଯୁବକ ଆତଙ୍କୀଙ୍କ ସହିତ ସାମିଲ ହୋଇଛନ୍ତି । ଜନସାଧାରଣଙ୍କ ସ୍ୱରକୁ ଚପେଇବା ପାଇଁ ଯେଉଁ ଉଦ୍ୟମ କରାଯାଉଛି ସେଥିପାଇଁ ଏହି ସମସ୍ୟା ଉପୁଜୁଛି ବୋଲି ପୂର୍ବର୍ତନ ଜମ୍ମୁ କାଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫତି କହିଛନ୍ତି । ଯୁବ ଗୋଷ୍ଠୀ ନିଜର ସ୍ୱର ଉଠାଇଲେ ହୁଏତ ଜେଲ ଯିବେ ନଚେତ ସେମାନଙ୍କୁ ହତିଆର ଉଠାଇବାକୁ ପଡିବ । ଏପରି କ୍ଷେତ୍ରରେ କାଶ୍ମୀରର ଯୁବଗୋଷ୍ଠୀ ହତିଆର ଉଠାଇବାକୁ ସହଜ ମନେ କରୁଛନ୍ତି ବୋଲି ମୁଫତି ମତ ଦେଇଛନ୍ତି ।
ଏହା ସହିତ ଭାରତ-ପାକ ସମ୍ପର୍କକୁ ନେଇ ମଧ୍ୟ ମୁଫତି କଟାକ୍ଷ କରିଛନ୍ତି । ଯଦି ଭାରତ ସରକାର ଚୀନ ସହିତ ଆଲୋଚନା କରି ପାରୁଛନ୍ତି ତେବେ ପାକିସ୍ତାନ ସହିତ କାହିଁକି ନୁହେଁ ବୋଲି ମୁଫତି ପ୍ରଶ୍ନ ଉଠାଇଛନ୍ତି । ଚୀନ ଭାରତୀୟ ସୀମା ମାଡି ବସିଥିବା ବେଳେ ଭାରତ ସରକାର ଅନୁରୋଧ କରୁଛନ୍ତି ମାତ୍ର ପାକିସ୍ତାନ ସହିତ ଆଲୋଚନାରେ କ୍ଷତି କେଉଁଠି ବୋଲି ପ୍ରଶ୍ନ ଉଠାଇଛନ୍ତି । ଗୁପକାର ରାଜିନାମାର ସମସ୍ତ ଦଳ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେବା ପରେ ମୁଫତି ଏହି ବିବାଦୀୟ ବୟାନ ଦେଇଛନ୍ତି । ପିଡିପି ସମେତ ଜମ୍ମୁ କାଶ୍ମୀରର ଅନ୍ୟ ୬ ଦଳ ଏକତ୍ର ହୋଇ ଗୁପକାର ରାଜିନାମା ସ୍ୱାକ୍ଷର କରିଥିଲେ । ଉଲ୍ଲେଖଯୋଗ୍ୟ ଯେ, ଅଗଷ୍ଟ ୫, ୨୦୧୯ରେ ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ କରିବା ସହିତ ମୁଫତିଙ୍କୁ ଗୃହବନ୍ଦୀ ଭାବରେ ରଖାଯାଇଥିଲା । ବିଗତ କିଛି ସପ୍ତାହ ହେବ ମୁଫତିଙ୍କୁ ମୁକ୍ତ କରାଯାଇଛି ।
