ମହିଳାଙ୍କ କଟାମୁଣ୍ଡ ଠାବ କଲା ପୋଲିସ
ମହିଳାଙ୍କ କଟାମୁଣ୍ଡ ଠାବ କଲା ପୋଲିସ
admin
6135
ଭୁବନେଶ୍ୱର: ଭୁବନେଶ୍ୱରରୁ ମସ୍ତକ ବିହୀନ ମହିଳାଙ୍କ ମୃତଦେହ ଉଦ୍ଧାର ଘଟଣାରେ ଗୁରୁବାର ଏକ ବଡ଼ ଖବର ସାମନାକୁ ଆସିଛି । ତାହା ହେଲା ପୁଲିସକୁ ସମ୍ପୃକ୍ତ ମହିଳାଙ୍କ କଟାମୁଣ୍ଡ ମିଳିଛି । ଭରତପୁର ଜଙ୍ଗଲରୁ ଉକ୍ତ କଟା ମୁଣ୍ଡକୁ ପୁଲିସ ଠାବ କରିଛି । ୨ ଅଭିଯୁକ୍ତ ମହିଳାଙ୍କ ମୁଣ୍ଡକାଟି ୨ କିମି ଦୂର ଭରତପୁର ଜଙ୍ଗଲରେ ଫିଙ୍ଗି ଦେଇଥିଲେ ।
ପ୍ରକାଶ ଯେ, ଏହି ଘଟଣାରେ ପୁଲିସ ୨ ଅଭିଯୁକ୍ତଙ୍କୁ ଅଟକ ରଖି ପଚରାଉଚୁରା କରୁଥିଲା । ଉଭୟଙ୍କୁ ଚନ୍ଦକା ଥାନାରେ ଅଟକ ରଖି କମିଶନରେଟ ପୁଲିସ ପଚରାଉଚୁରା କରିବାପରେ ସିନ ରିକ୍ରିଏଟ ପାଇଁ ଉଭୟଙ୍କୁ ଘଟଣାସ୍ଥଳକୁ ନେଇଥିଲା । ଅଭିଯୁକ୍ତମାନେ କଟାମୁଣ୍ଡ ଫିଙ୍ଗିଥିବା ସ୍ଥାନକୁ ଦେଖାଇଥିଲେ । ପରେ ପୁଲିସ ଉକ୍ତ କଟାମୁଣ୍ଡକୁ ଠାବ କରିଛି ।
ଅନ୍ୟପକ୍ଷରେ ଧରାପଡ଼ିଥିବା ୨ ଅଭିଯୁକ୍ତଙ୍କ ସହ ମହିଳାଙ୍କ ସମ୍ପର୍କ ଥିଲା । ୨ ଜଣଙ୍କ ସହ ସମ୍ପର୍କ ରଖିଥିବାରୁ ଏହି ହତ୍ୟାକାଣ୍ଡ ଘଟିଥିବା ସନେ୍ଦହ କରାଯାଉଛି । ତେବେ ହତ୍ୟାକାଣ୍ଡର କାରଣ ସମ୍ପର୍କରେ ପୁଲିସ ପ୍ରେସମିଟରେ ଖୁଲାସା କରିବ ।
