ମହାପ୍ରଭୁଙ୍କ ଦର୍ଶନ କଲେ ରାଜ୍ୟ ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ
ମହାପ୍ରଭୁଙ୍କ ଦର୍ଶନ କଲେ ରାଜ୍ୟ ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ
admin
2597
ଭୁବନେଶ୍ବର:୩ ଦିନିଆ ଗସ୍ତରେ ଓଡିଶା ଆସିଛନ୍ତି ରାଜ୍ୟ ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ । ଭୁବନେଶ୍ବରରେ ପହଞ୍ଚିବା ପରେ ସେ ପ୍ରଥମ ଦିନ ଅର୍ଥାତ୍ ଗୁରୁବାର ବହୁ ଚଚ୍ଚିର୍ତ ପରୀ ହତ୍ୟା ମାମଲା ପାଇଁ ଯଦୁପୁର ଗାଁକୁ ଯାଇଥିଲେ। ସେଠାକୁ ଯାଇ ସ୍ଥିତି ଦେଖିବା ପରେ ସେ ଶନିବାର ଭୋରରୁ ପୁରୀ ଶ୍ରୀମନ୍ଦିର ଯାଇ ଠାକୁର ଦର୍ଶନ କରିଛନ୍ତି । ସେଠାରେ ଦଳୀୟ କର୍ମୀମାନଙ୍କୁ ମଧ୍ୟ ଭେଟଥିଲେ । ଏହି ଅବସରେର ତାଙ୍କ ସହ ଉପସ୍ଥିତ ଥିଲେ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର, ଉପସଭାପତି ପ୍ରଭାତୀ ପରିଡା, ଜିଲ୍ଲା ସଭାପତି ଆଶ୍ରିତ ପଟ୍ଟନାୟକ, ବିଧାୟକ ଜୟନ୍ତ ଷଡଙ୍ଗୀ ପ୍ରମୁଖ।
ସୂଚନାଯୋଗ୍ୟ, ରାଜ୍ୟ ବିଜେପି ପ୍ରଭାରୀ ଡି. ପୁରନ୍ଦେଶ୍ୱରୀ ଗୁରୁବାର ପରୀ ଗାଁ କୁ ଯାଇ ତାଙ୍କ ପରିବାର ଲୋକଙ୍କୁ ଭେଟିବା ସହ ମୃତ୍ୟୁ ପରେ କୁନିଝିଅର ଦେହାବଶେଷ ଯେଉଁଠାରେ ପଡିଥିଲା ସେ ଜାଗା ବୁଲି ଦେଖିଥିଲେ। ଏହାପରେ ଗଣମାଧ୍ୟମ ଆଗରେ ପରୀ ପ୍ରସଙ୍ଗରେ ରାଜ୍ୟ ସରକାରଙ୍କ ବିଫଳତାକୁ ନେଇ ସମାଲୋଚନା କରିଥିଲେ।
