ମର୍ମନ୍ତୁଦ ସଡକ ଦୁର୍ଘଟଣା :୫ ମୃତ, ୧୨ ଆହତ

Mar 13, 2021 - 12:38 Updated: Mar 13, 2021 - 12:38

5641

ଯୋଧପୁର: ରାଜସ୍ଥାନର ଯୋଧପୁର ଜିଲାର ୧୧ ନମ୍ବର ଜାତୀୟ ରାଜପଥ ବାପ ଥାନା ଅନ୍ତର୍ଗତ ଗାଡନା ଗାଁ ନିକଟରେ ଶନିବାର ସକାଳେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ ପର୍ୟ୍ୟଟକ ବସ ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇ ୨ ମହିଳା ସମେତ ୫ ଜଣ ଯାତ୍ରୀଙ୍କ ମୃତ୍ୟୁ ଘଟିଛି। ଏହାସହ ୬ ଜଣ ଶିଶୁଙ୍କ ସମେତ ୧୨ ରୁ ଅଧିକ ଯାତ୍ରୀ ଆହତ ହୋଇଛନ୍ତି। ପୁଲିସ ସୂଚନା ଅନୁଯାୟୀ, ଉକ୍ତ ବସରେ ଦିଲ୍ଲୀରୁ ଆସିଥିବା ସମସ୍ତ ପର୍ୟ୍ୟଟକ ଥିଲେ। ସମସ୍ତେ ଜୈସଲମେର ଭ୍ରମଣ ପରେ ଫେରୁଥିବା ସମୟରେ ସକାଳେ ଗାଡନା ଗାଁ ନିକଟରେ ଟ୍ରକ ସହ ଏହି ଦୁର୍ଘଟଣା ଘଟିଥିଲା। ସ୍ଥାନୀୟଲୋକେ , ପୁଲିସ ଓ ଉଦ୍ଧାରକାରୀ ଦଳ ପ୍ରଥମେ ବସରେ ଫସିଥିବା ଯାତ୍ରୀଙ୍କୁ ଉଦ୍ଧାର କରିଥିଲେ। ୨ ଗାଡି ଚାଳକରୁ ଜଣେ ଚାଳକର ଆଖି ଲାଗି ଯିବାରୁ ଏଭଳି ଦୁର୍ଘଟଣା ଘଟିଛି ବୋଲି ଅନୁମାନ କରାଯାଉଛି।