ମମତାଙ୍କୁ ଶୁଭେଚ୍ଛା ଜଣାଇଲେ ନବୀନ
ମମତାଙ୍କୁ ଶୁଭେଚ୍ଛା ଜଣାଇଲେ ନବୀନ
admin
2890
ଭୁବନେଶ୍ୱର:ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ କଥା ହେଲେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସକାଳେ ନବୀନ ପଟ୍ଟନାୟକ ଟେଲିଫୋନ ଯୋଗେ ମମତାଙ୍କ ସହ କଥା ହୋଇଛନ୍ତି । ଏହି ଅବସରରେ ତୃଣମୂଳ କଂଗ୍ରେସର ବିପୁଳ ବିଜୟ ପାଇଁ ନବୀନ ମମତାଙ୍କୁ ଶୁଭେଚ୍ଛା ଜଣାଇଛନ୍ତି ।
ସୂଚନାଯୋଗ୍ୟଯେ, ପଶ୍ଚିମବଙ୍ଗ ନିର୍ବାଚନ ଉପରେ ସାରା ଦେଶର ନଜର ରହିଥିଲା । ନିର୍ବାଚନ ଆରମ୍ଭରୁ ସବୁଠାରୁ ବେଶ ଚର୍ଚ୍ଚା ସୃଷ୍ଟି କରିଥିଲା ମମତା ଦିଦିଙ୍କ ‘ଖେଲା ହବେ’ ସ୍ଲୋଗାନ । ପଶ୍ଚିମବଙ୍ଗ ରାଜନୀତିକ ମଇଦାନରେ ମୋଦି ଓ ମମତାଙ୍କ ମଧ୍ୟରେ ଜମାଣିଆ ଖେଳ ବି ହେଲା । ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ଶତଚେଷ୍ଟା ସତ୍ୱେ ବି ପୁଣିଥରେ ପଶ୍ଚିମବଙ୍ଗରେ ମମତା ରାଜ କରିବେ । ବିଜେପି ଦୁଇ ଶତକ ମାରିବାର ସ୍ୱପ୍ନ ଦେଖିଥିବାବେଳେ ମମତାଙ୍କ ଯାଦୁରେ ବାଜି ପଲଟବାର କରିଛି । ଅର୍ଥାତ ବିଜେପି ନୁହେଁ ଟିଏମସି ହିଁ ଦୁଇଶହ ଆସନରେ ବାଜିମାତ କରିବାରେ ସମର୍ଥ ହୋଇଛି ।
