ମନୋଜ ଛାବ୍ରାଙ୍କୁ କାରାଗାର ଡିଜି ଅତିରିକ୍ତ ଦାୟିତ୍ୱ
ମନୋଜ ଛାବ୍ରାଙ୍କୁ କାରାଗାର ଡିଜି ଅତିରିକ୍ତ ଦାୟିତ୍ୱ
admin
3109
ଭୁବନେଶ୍ୱର: ୧୯୮୮ ବ୍ୟାଚ୍ର ଆଇପିଏସ୍ ଅଫିସର ମନୋଜ ଛାବ୍ରାଙ୍କୁ କାରାଗାର ଡିଜି ଭାବରେ ଅତିରିକ୍ତ ଦାୟିତ୍ୱ ଦିଆଯାଇଛି । ଡ.ସତ୍ୟଜିତ ମହାନ୍ତି ଏହି ଦାୟିତ୍ୱରେ ଥିଲେ । ସେ ଗୁଇନ୍ଦା ବିଭାଗ ଦାୟିତ୍ୱ ନେବା ପରେ ଏହି ପଦ ଖାଲି ପଡ଼ିଥିଲା । ଆଜି ଗୃହ ବିଭାଗ ପକ୍ଷରୁ ସ୍ୱତନ୍ତ୍ର ବିଜ୍ଞପ୍ତି ଜରିଆରେ ମନୋଜ ଛାବ୍ରାଙ୍କୁ ଏହି ଦାୟିତ୍ୱ ଦିଆଯାଇଛି । ଯଥାଶୀଘ୍ର କାର୍ଯ୍ୟରେ ଯୋଗ ଦେବା ପାଇଁ ନିର୍ଦ୍ଦେଶ ରହିଛି । ମନୋଜ ଛାବ୍ରା ଏବେ ଏସ୍ଏପି (ସ୍ୱତନ୍ତ୍ର ସଶସ୍ତ୍ର ପୁଲିସ) ସ୍ପେଶାଲ ଡିଜି ଭାବରେ ଅବସ୍ଥାପିତ ଅଛନ୍ତି । ତାଙ୍କୁ କାରାଗାର ଡିଜି ଭାବରେ ଅତିରିକ୍ତ ଦାୟିତ୍ୱ ମିଳିଛି । ନିୟମିତ ଡିଜି ଦାୟିତ୍ୱ ନେବା ପର୍ଯ୍ୟନ୍ତ ବା ପରବର୍ତ୍ତୀ ବିଜ୍ଞପ୍ତି ପର୍ଯ୍ୟନ୍ତ ଏସ୍ଏପି ସ୍ପେଶାଲ ଡିଜି ସହ ସେ ଏହି ଦାୟିତ୍ୱ ତୁଲାଇବେ ବୋଲି ନିର୍ଦ୍ଦେଶ ରହିଛି ।
