ମଧ୍ୟବିତ୍ତଙ୍କ ଲାଗି ଖୁସି ଖବର, ଇନ୍କମ୍ ଟ୍ୟାକ୍ସ ରିହାତି ୭ ଲକ୍ଷକୁ ବଢ଼ିଲା
ମଧ୍ୟବିତ୍ତଙ୍କ ଲାଗି ଖୁସି ଖବର, ଇନ୍କମ୍ ଟ୍ୟାକ୍ସ ରିହାତି ୭ ଲକ୍ଷକୁ ବଢ଼ିଲା
admin
ନୂଆଦିଲ୍ଲୀ: ୨୦୨୩-୨୪ ଆର୍ଥିକ ବର୍ଷ ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଛନ୍ତି। ଏଥିରେ ମଧ୍ୟବିତ୍ତଙ୍କୁ ବଡ଼ ଖୁସି ଖବର ମିଳିଛି। ସବୁଠାରୁ ବଡ଼ ଖବର ହେଲା ଇନ୍କମ୍ ଟ୍ୟାକ୍ସ ରିହାତି ୩ ଲକ୍ଷରୁ ବଢ଼ି ୭ ଲକ୍ଷ କରାଯାଇଛି। ଅର୍ଥାତ ୦ରୁ ୩ ଲକ୍ଷ ପର୍ୟ୍ୟନ୍ତ ଆୟ ଲାଗି କୌଣସି ଟ୍ୟାକ୍ସ ଦେବାକୁ ପଡ଼ିବ ନାହିଁ। ସେହିପରି ଯାହାର ରୋଜଗାର ୭ ଲକ୍ଷ ଟଙ୍କା ପର୍ୟ୍ୟନ୍ତ ବର୍ଷକୁ ରହିବ ତାଙ୍କୁ ଟ୍ୟାକ୍ସ ଦେବାକୁ ପଡ଼ିବ ନାହିଁ। ଇନ୍କମ୍ ଟ୍ୟାକ୍ସର ସ୍ଲାବ୍କୁ ବଢ଼ାଯାଇଛି। ବଜେଟ୍ରେ ମିଳିଥିବା ସୂଚନା ଅନୁଯାୟୀ ସୁନା ମଙ୍ଗା ହୋଇଛି। ସେହିପରି ସିଗାରେଟ୍, ଚାନ୍ଦିରେ ତିଆରି ପାତ୍ର, ପ୍ଲାଟିନମ୍ ଉପରେ କଷ୍ଟମ୍ ଡ୍ୟୁଟି ବଢ଼ାଯାଇଥିବାରୁ ଏହାର ମୂଲ୍ୟ ବୃଦ୍ଧି ହୋଇଥିବା ସୂଚନା ମିଳୁଛି। ଚାନ୍ଦିର ସାମଗ୍ରୀ ମଧ୍ୟ ବଢ଼ିଥିବା ସୂଚନା ମିଳଛି। ସଗାରେଟ୍ ଉପରେ କଷ୍ଟମ୍ସ ଡ୍ୟୁଟି ବଢ଼ାଯାଇଥିବାରୁ ଏହାର ମୂଲ୍ୟ ବୃଦ୍ଧି ହେଉଥିବା ସୂଚନା ମିଳୁଛି।
ତେବେ ଚଳିତ ବଜେଟରେ ବଜେଟରେ ରେଳ ପାଇଁ ୨.୪୦ ଲକ୍ଷ କୋଟି ଘୋଷଣା କରାଯାଇଛି । ସେହିପରି କ୍ୟାପିଟାଲ ଇନଭେଷ୍ଟମେଣ୍ଟ ୧୦ ଲକ୍ଷ କୋଟିକୁ ବୃଦ୍ଧି ଘୋଷଣା କରାଯାଇଛି । ଭିତ୍ତିଭୂମି ପାଇଁ ରାଜ୍ୟମାନଙ୍କୁ ସୁଧମୁକ୍ତ ଋଣ ଆଉ ବର୍ଷକ ପାଇଁ ବୃଦ୍ଧି କରାଯାଇଛି । ସହରାଞ୍ଚଳ ବିକାଶ ପାଇଁ ଅର୍ବାନ ଇନଫ୍ରା ଫଣ୍ଡର ଘୋଷଣା କରାଯାଇଛି । ଅର୍ବାନ ଇନଫ୍ରା ଫଣ୍ଡ ପାଇଁ ୧୦ ହଜାର କୋଟିର ବ୍ୟବସ୍ଥା କରାଯାଇଛି । ଆର୍ଟିଫିସିଆଲ ଇଣ୍ଟେଲିଜେନ୍ସ ପାଇଁ ୩ଟି ସେଣ୍ଟର ଅଫ ଏକ୍ସଲେନ୍ସ ପ୍ରତିଷ୍ଠା ହେବ । ୫୦ଟି ନୂଆ ଏୟାରପୋର୍ଟ, ହେଲି ପ୍ୟାଡ ପ୍ରତିଷ୍ଠା କରାଯିବ । କେୱାଇସି ବ୍ୟବସ୍ଥାକୁ ଅଧିକ ସରଳୀକରଣ କରାଯିବ ।
