ଭୁବନେଶ୍ୱର-ସୁରଟ ବିମାନ ଉଡ଼ିବ
ଭୁବନେଶ୍ୱର-ସୁରଟ ବିମାନ ଉଡ଼ିବ
admin
3559
ଭୁବନେଶ୍ୱର: ଭୁବନେଶ୍ୱର ଓ ସୁରଟ ମଧ୍ୟରେ ଖୁବ୍ ଶ୍ରୀଘ୍ର ବିମାନ ଚଳାଚଳ ଆରମ୍ଭ ହେବ । ପ୍ରଥମ ପର୍ଯ୍ୟାୟରେ ଏୟାର ଇଣ୍ଡିଆ ସପ୍ତାହକୁ ଦୁଇ ଥର ବିମାନ ଚଳାଇବ । ସମ୍ଭବତଃ ଅକ୍ଟୋବର ମାସରୁ ଉଡାଣ ଆରମ୍ଭ ହେବ ।
କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂହ ପୁରୀଙ୍କୁ ଆଜି ସାକ୍ଷାତକରି ଆଲୋଚନା କଲା ପରେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଏହି ସୂଚନା ଦେଇଛନ୍ତି । ଶ୍ରୀମତୀ ଷଡଙ୍ଗୀ ଓ ସୁରଟର ସାଂସଦ ଦର୍ଶନା ଜରଦୋଷ ମିଳିତ ଭାବେ କେନ୍ଦ୍ରମନ୍ତ୍ରୀଙ୍କୁ ଭେଟି ସ୍ମାରକ ପତ୍ର ପ୍ରଦାନ କରିଥିଲେ । ସୁରଟରେ ବହୁ ସଂଖ୍ୟାରେ ଓଡ଼ିଆ ବସବାସ କରୁଥିବାରୁ ସିଧାସଳଖ ବିମାନ ଚଳାଚଳରର ଆବଶ୍ୟକତା ରହିଛି ବୋଲି ଉଭୟ ଦର୍ଶାଇଥିଲେ । ଏହା ପରେ କେନ୍ଦ୍ର ମନ୍ତ୍ରୀ ଏ ନେଇ ଏୟାର ଇଣ୍ଡିଆ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ । ଅକ୍ଟୋବରରୁ ଉଡାଣ ଆରମ୍ଭ ନେଇ କେନ୍ଦ୍ରମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି ବୋଲି ଶ୍ରୀମତୀ ଷଡଙ୍ଗୀ ସୂଚନା ଦେଇଛନ୍ତି ।
