ଭାଙ୍ଗିଲା ପରମ୍ପରା, ଗଡିଲାନି ରୁକୁଣା ରଥ।
ଭାଙ୍ଗିଲା ପରମ୍ପରା, ଗଡିଲାନି ରୁକୁଣା ରଥ।
admin
6401
ଆଜି ଅଶୋକାଷ୍ଟମୀ । ଅଶୋକାଷ୍ଟମୀରେ ରୁକୁଣା ରଥ ଉତ୍ସବ ଧୁମଧାମରେ ପାଳିତ ହୁଏ । କିନ୍ତୁ ଚଳିତଥର କରୋନା କଟାକଣା ଯୋଗୁଁ ପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥ ଗଡିବ ନାହିଁ । ସାରା ଦେଶ ଓ ରାଜ୍ୟରେ କରୋନା ମୁକାବିଲା ଲାଗି ଲକ୍ ଡାଉନ ପାଳନ କରାଯାଉଛି ।
ସାରା ଦେଶରେ ମହାମାରର କରୋନାକୁ ନେଇ ଚିନ୍ତା । ଜାରି ରହିଛି କଟକଣା । କରୋନା ସଂକ୍ରମଣକୁ ଦୃଷ୍ଟିରେ ରଖି ଜନଗହଳିକୁ ଏଡାଇବା ପାଇଁ ଚଳିତ ବର୍ଷ ରୁକୁଣା ରଥଯାତ୍ରାକୁ ପ୍ରଶାସନ ପକ୍ଷରୁ ମନା କରାଯାଇଛି । କିନ୍ତୁ ପାରମ୍ପରିକ ରୀତିନୀତି ଅନୁସାରେ ରଥ ନିର୍ମାଣ ଶେଷ ହୋଇଥିଲା । ତେବେ ପ୍ରଶାସନର ଅନୁମତି ମିଳିନଥିବାରୁ ରଥଟଣା ଯିବ ନାହିଁ । ଗତକାଲି ପ୍ରଶାସନ ଅନୁମତି ନଦେବା ପରେ ନେତ୍ର୍ ଉତ୍ସବ ନୀତି ଓ ମରିଚିକୁଣ୍ଡ ପାଣି ନିଲାମ ହୋଇ ନାହିଁ । ଆଉ ଆଜି ଶ୍ରୀ ଲିଙ୍ଗରାଜଙ୍କ ରୁକୁଣା ରଥ ଯାତ୍ରା ହେଉନଥିବାରୁ ମହା ପରମ୍ପରା ଭଙ୍ଗ ହୋଇଥିବା କୁହାଯାଇଛି ।
କରୋନା ସଂକ୍ରମଣ ଏଡାଇବାକୁ ସରକାର କୌଣସି ସ୍ଥାନରେ ୫ରୁ ଅଧିକ ଲୋକ ଏକାଠି ହେବା ଉପରେ୍ କଟକଣା ଲଗାଇଛନ୍ତି । ତେବେ ଶ୍ରୀଲିଙ୍ଗରାଜଙ୍କ ରଥ ପ୍ରତିଷ୍ଠା ଓ ରଥଟଣା କାର୍ୟ୍ୟ ୫ ଜଣରେ ସମ୍ଭବ ହୋଇନଥିବାରୁ ରଥ ଟଣାକୁ ଚଳିତ ବର୍ଷ ବନ୍ଦ କରାଯାଇଛି । ଖୋର୍ଦ୍ଧା ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ୍ ରୁକୁଣା ରଥ ଟଣାକୁ ଅନୁମିତ ଦେଇହେବ ନାହିଁ ବୋଲି ମନ୍ଦିର କାର୍ୟ୍ୟାଳୟକୁ ଚିଠି ଦେଇଥିଲେ । ଗତକାଲି ଏନେଇ ୪ ନିଯୋଗ ସଭାପତିଙ୍କ ସହ ବିଧାୟକ ସୁର ରାଉତରାୟ ସିପିଙ୍କୁ ଭେଟିଥିଲେ । ହେଲେ ପୋଲିସ କମିସନର ସୁଧାଂଶୁ ଷଡଙ୍ଗୀ ରଥ ଯାତ୍ରା ହୋଇପାରିବ ନାହିଁ ବୋଲି ସ୍ପଷ୍ଟ ମନା କରିଦେଇଥିଲେ । ଯାହାକୁ ନେଇ ବର୍ତ୍ତମାନ ସେବାୟତଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି
