ବ୍ୟାଡମିଣ୍ଟନକୁ ଅଲବିଦା ଜଣାଇଲେ ସଟଲ କୁଇନ ପି ଭି ସିନ୍ଧୁ!
ବ୍ୟାଡମିଣ୍ଟନକୁ ଅଲବିଦା ଜଣାଇଲେ ସଟଲ କୁଇନ ପି ଭି ସିନ୍ଧୁ!
admin
3013
ନୂଆଦିଲ୍ଲୀ : ଭାରତୀୟ ବ୍ୟାଡମିଣ୍ଟନ ଷ୍ଟାର ପିଭି ସିନ୍ଧୁ ନିଜର ଅବସର ସମ୍ପର୍କରେ ଘୋଷଣା କରିଛନ୍ତି । ସୋମବାର ନିଜର ଟ୍ୱିଟ୍ଟର ଟାଇମଲାଇନରେ ‘ଆଇ ରିଟାୟର’ ବୋଲି ଏକ ପୋଷ୍ଟ କରିବା ସହିତ ଏକ ଚିଠି ମଧ୍ୟ ପୋଷ୍ଟ କରିଛନ୍ତି । ଏକମାତ୍ର ଭାରତୀୟ ସଟଲର ଭାବରେ ଅଲମ୍ପିକ୍ସ ରେ ରୌପ୍ୟ ପଦକ ବିଜୟିନୀ ସିନ୍ଧୁଙ୍କ ଏହି ନିଷ୍ପତ୍ତି ଫ୍ୟାନ ମାନଙ୍କୁ ଚକିତ କରି ଦେଇଛି । ଏହି ପୋଷ୍ଟଟି ତୁରନ୍ତ ଭାଇରାଲ ହେବା ସହିତ ଅନେକ ପ୍ରଶଂସକ ଦୁଃଖ ମଧ୍ୟ ପ୍ରକାଶ କରିଛନ୍ତି ।
“ନିଜ ମନ ମଧ୍ୟରେ ରହିଥିବା ଭାବନାରୁ ବାହାରିବା ପାଇଁ ବିଗତ କିଛି ଦିନ ହେବା ଚେଷ୍ଟା କରୁଛି, ତେବେ ଏହା ସହ ମୁକାବିଲା କରିବା ସହଜ ମନେ ହେଉନାହିଁ, ତେଣୁ ଆଜି ଏହା ଲେଖୁଛି । ପଡିଆରେ ପ୍ରତିପକ୍ଷଙ୍କୁ ହରାଇବା ପାଇଁ ସାରା ଜୀବନ ଚେଷ୍ଟା କରିହେବ ମାତ୍ର ନିଜ ମଧ୍ୟରେ ଚାଲିଥିବା ଅନ୍ତଦ୍ୱର୍ନ୍ଦକୁ ହରାଇବା ସହଜ ନୁହେଁ । ଦେଖାଯାଉନଥିବା ଏହି ଭାଇରସର ମୁକାବିଲା କରିବାରେ ମୁଁ ବିଫଳ ହୋଇଛି । କରୋନା ମହାମାରୀ ଲକଡାଉନ ସମୟରେ ବିତାଇଥିବା ଏକାନ୍ତ ସମୟରେ ନିଜକୁ ପ୍ରଶ୍ନକରି କିଛି ଉତ୍ତର ପାଇଛି । ଏପରିକି ଶେଷ ଥର ପାଇଁ ଡେନମାର୍କ ଓପନରେ ମୁଁ ଭାରତକୁ ପ୍ରତିନିଧିତ୍ୱ କରିପାରିଲି ନାହିଁ ।” ଏପରି ଏକ ଲମ୍ବା ଚିଠି ଲେଖିବା ସହିତ ନିଜର ଅବସର ସମ୍ପର୍କରେ ଘୋଷଣା କରିଛନ୍ତି ସିନ୍ଧୁ । ତେବେ ଶେଷକୁ ନିଜ ଅବସର ସମ୍ପର୍କିତ ଖବରକୁ ଖଣ୍ଡନ କରିଛନ୍ତି ସିନ୍ଧୁ । ଡେନମାର୍କ ଓପନରେ ଅଂଶଗ୍ରହଣ କରିନଥିଲେ ମଧ୍ୟ ଦୃଢ ମନୋବଳ ଏବଂ ଅଭ୍ୟାସର ସହିତ ଏସିଆ ଓପନକୁ ପ୍ରତ୍ୟାବର୍ତ୍ତନ କରିବେ ବୋଲି ସିନ୍ଧୁ ଉଲ୍ଲେଖ କରିଛନ୍ତି ।
