ବୁର୍ଜ ଖଲିଫାରେ ବିଜ୍ଞାପନ ପାଇଁ ଦେବାକୁ ପଡେ଼ ଏତେ ଟଙ୍କା, ଜାଣିଲେ ହେବେ ଆଶ୍ଚର୍ଯ୍ୟ
ବୁର୍ଜ ଖଲିଫାରେ ବିଜ୍ଞାପନ ପାଇଁ ଦେବାକୁ ପଡେ଼ ଏତେ ଟଙ୍କା, ଜାଣିଲେ ହେବେ ଆଶ୍ଚର୍ଯ୍ୟ
admin
3478
ଦୁବାଇର ବୁର୍ଜ ଖଲିଫା, ସେଠିକାର ଶେଖମାନଙ୍କର ମନୋରଞ୍ଜନର ଏହା ଏକ ପ୍ରମୁଖ ସ୍ଥାନ । ଦେଶ ବିଦେଶରୁ ପର୍ଯ୍ୟଟକଙ୍କ ମଧ୍ୟ ରୀତିମତ ଭିଡ଼ ଏଠାରେ ଦେଖିବାକୁ ମିଳେ । ବିଶ୍ୱର ଦୀର୍ଘତମ ଅଟ୍ଟାଳିକା ବୁର୍ଜ ଖଲିଫାକୁ ରାତିରେ ଦେଖିବାର ଦୃଶ୍ୟ ବେଶ ଆକର୍ଷଣୀୟ । ପ୍ରତିଦିନ ରାତିରେ ବୁର୍ଜ ଖଲିଫା ଟାୱାର ଚାରିପାଖ ନାମୀଦାମୀ କମ୍ପାନୀର ବିଜ୍ଞାପନମାନ ପ୍ରଦର୍ଶିତ ହୁଏ । ଏଥିପାଇଁ କମ୍ପାନୀଗୁଡ଼ିକ ପାଖରୁ ବର୍ଜ ଖଲିଫା କର୍ତ୍ତୃପକ୍ଷ ମୋଟା ଅଙ୍କର ପାଉଣା ମଧ୍ୟ ନେଇଥାନ୍ତି । ଦିନକୁ ଦିନ ଏହି ଟାୱାରରେ ବିଜ୍ଞାପନର ଦର ବଢ଼ି ଚାଲିଛି, ହେଲେ ବଡ଼ ବଡ଼ କମ୍ପାନୀ ଗୁଡ଼ିକ ସେଠାରେ ପ୍ରଦର୍ଶନ ପାଇଁ ପଛାଉନାହାନ୍ତି । ବୁର୍ଜ ଖଲିଫାର କର୍ତ୍ତୃପକ୍ଷଙ୍କ କହିବା ଅନୁସାରେ, ଗୋଟିଏ ରାତିରେ ୩ ମିନିଟର ବିଜ୍ଞାପନ ପ୍ରଦର୍ଶନ ପାଇଁ ୧୬ ଲକ୍ଷ ଟଙ୍କା ଅଗି୍ରମ କମ୍ପାନୀ ଦିଏ । ପରେ ୫୦ ଲକ୍ଷ ଟଙ୍କା, ହେଲେ ଶନିବାର ଓ ରବିବାରରେ ବୁର୍ଜ ଖଲିଫାକୁ ଦେଖିବାକୁ ଭିଡ ଅଧିକ ହେଉଥିବାରୁ ସେଦିନର ଭଫା ୩ ମିନିଟ ପାଇଁ ୭୦ ରୁ ୯୦ ଲକ୍ଷ ଟଙ୍କାରେ ପହଞ୍ଚେ । ରାତି ୮-୧୦ ଟା ସମୟରେ ବିଜ୍ଞାପନ ଚାଲେ, ୨୦୧୭ ରୁ ବୁର୍ଜ ଖଲିଫାରେ ବିଜ୍ଞାପନ ପ୍ରଦର୍ଶିତ ହେଉଛି । ତେବେ ଦୁବାଇର ଏଇ ଲୋକପି୍ରୟ ମହଙ୍ଗା ଟାୱାର ଗତ ୧ ବର୍ଷ ହେଲା କିଙ୍ଗ ଖାନ ଶାହାରୁଖଙ୍କ ଜନ୍ମଦିନରେ ଭିନ୍ନ ଭାବେ ଅଭିନନ୍ଦନ ଜଣାଇଥିଲା ।
