ସୌନ୍ଦର୍ଯ୍ୟକୁ ଦ୍ୱିଗୁଣିତ କରେ ଗାଲର ଭଉଁରୀ

Mar 6, 2021 - 11:12 Updated: Mar 6, 2021 - 11:12

2496

ସୌନ୍ଦର୍ଯ୍ୟକୁ ଦ୍ୱିଗୁଣିତ କରେ ଗାଲର ଭଉଁରୀ, ବଲିଉଡ ଅଭିନେତ୍ରୀ ପ୍ରୀତି ଜିଂଟା ନିଜ ଅଭିନୟ ପାଇଁ ଯେତିକି ନୁହେଁ, ବରଂ ଗାଲର ଭଉଁରୀ ପାଇଁ ଅଧିକ ଚର୍ଚ୍ଚିତ । ତାଙ୍କ ପ୍ରିୟ ପ୍ରଶଂସକ ଓ ସିନେବନ୍ଧୁ ପାଖେ ପ୍ରୀତି ‘ଡିମ୍ପଲ ଗର୍ଲ’ ଭାବେ ପରିଚିତ । ଇଶ୍ୱରଦତ ଏହି ଗାଲ ଭଉଁରୀକୁ କୃତ୍ରିମ ଉପାୟରେ ମଧ୍ୟ ପ୍ରସ୍ତୁତି କରାଯାଇପାରିବ । ୧୯୩୦ ବେଳକୁ ଇଂଲଣ୍ଡ, ଆମେରିକାରେ ଡିମ୍ପଲ ଥିବା ଝିଅମାନଙ୍କ ବିଭିନ୍ନ କ୍ଷେତ୍ରରେ ସୁଯୋଗ ମିଳୁଥିଲା । ଚାକିରି ହେଉ ଅବା ଅଭିନୟ କ୍ଷେତ୍ର, ଗାଲରେ ଭଉଁରୀ ଥିଲେ ଯୁବତୀ ଅବା ଯୁବକ ଜଣକ ସମସ୍ତଙ୍କ ଦୃଷ୍ଟି ଆକର୍ଷଣ କରୁଥିଲେ । ହେଲେ ଯେଉଁମାନଙ୍କ ଗାଲରେ ଭଉଁରୀ ନଥିଲା, ସେମାନେ ନିଜକୁ ହିନମାନ ଭାବିଲେ । ସେମାନଙ୍କ ଏହି ସମସ୍ୟାରେ ସମାଧାନ କରିଥିଲେ ନୁ୍ୟୟର୍କନିବାସୀ ଇସାବେଲ ଗିଲବର୍ଟ । ସେ ଏକ ଯନ୍ତ୍ର ତିଆରି କଲେ, ଯାହାକୁ ଗାଲରେ ଲଗାଇଲେ ଭଉଁରୀ ସମୟକ୍ରମେ ହେଉଥିଲା । ଦୁଇଟି ଲୁହା ତାରରେ ମଝିପାଖରେ କ୍ଲିପ ଲାଗିବା ସହ ମୁହଁରେ ଏହାକୁ ପ୍ରତିଦିନ ୨-୩ ଘଂଟା ଲଗାଇଲେ, ଗାଲ ଭଉଁରୀ କିଛି ସପ୍ତାହ ପରେ ହେଉଥିଲା । ଏଇ ଗାଲ ଭଉଁରୀ ଯନ୍ତ୍ର ମଧ୍ୟ କିଛି କମନଥିଲା, ଏହାର ଦାମ ୭୨ହଜାର ଟଙ୍କାରୁ ଆରମ୍ଭ ହୋଇ ୯୬ହଜାର ପର୍ଯ୍ୟନ୍ତ ରହୁଥିଲା । ୧୯୮୦ ବେଳକୁ ଏଇ ଡିମ୍ପଲ ଯନ୍ତ୍ରର ଆଦର ମିଳିଲା ।