ବିଜେଡିରେ ମିଶିଲେ ବିଜେପି ପ୍ରାର୍ଥୀ ଭାଗିରଥୀ

Mar 29, 2019 - 07:40 Updated: Mar 29, 2019 - 07:40

4441

ଭୁବନେଶ୍ୱର: ବିଜେପିକୁ ଲାଗିଛି ବଡ ଝଟକା । ବିଜେପିରୁ ଟିକେଟ ନେଲେ ବିଜେଡିରେ ଯୋଗ ଦେଲେ ଭାଗିରଥୀ । ଚଳିତ ନିର୍ବାଚନରେ ବିଜେପି ପକ୍ଷରୁ ଆନନ୍ଦପୁର ନିର୍ବାଚନ ମଣ୍ଡଳରୁ ପ୍ରାର୍ଥୀ ହୋଇଥିବା ଭାଗିରଥୀ ସେଠୀ ଆଜି ବିଜେଡିରେ ମିଶିଛନ୍ତି । ନବୀନ ନିବାସରେ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଜେଡିରେ ମିଶିଛନ୍ତି । ପୂର୍ବରୁ ବିଜେଡିରେ ଥିବା ଭାଗିରଥି ବିଜେଡି ପକ୍ଷରୁ ତାଙ୍କୁ ଅଣଦେଖା କରାଯାଉଥିବା ଅଭିଯୋଗ କରି ବିଜେପିରେ ସାମିଲ ହୋଇଥିଲେ । ପୁଣି ଚଳିତ ଥର ତାଙ୍କୁ ଆନନ୍ଦପୁରରୁ ପ୍ରାର୍ଥୀ ବିଜେପି ପକ୍ଷରୁ ପ୍ରାର୍ଥୀ କରାଯାଇଥିଲେ ହେଁ ପୁଣି ବିଜେପିର ହାତ ଛାଡ଼ି ବିଜେଡିରେ ସାମିଲ ହୋଇଛନ୍ତି । ତେବେ ବିଜେଡି ତାଙ୍କୁ ଆନନ୍ଦପୁର ନିର୍ବାଚନ ମଣ୍ଡଳୀରୁ ପ୍ର୍ରାର୍ଥୀ କରାଯାଇପାରେ ବୋଲି ଚର୍ଚ୍ଚା ହେଉଛି । ବିଜେଡିରେ ମିଶିବା ପରେ ଭାଗିରଥୀ ପ୍ରତିକ୍ରିୟା ରଖିଛନ୍ତି ଯେ ବିଜେଡି ଯେଉଁ କାମ ଦେବ ସେ ତାକୁ ଗ୍ରହଣ କରିବେ ।