ବିଜେଡିରୁ ନିଲମ୍ବିତ ହେଲେ ଚିଲିକା ପ୍ରଶାନ୍ତ ଜଗଦ୍ଦେବ
ବିଜେଡିରୁ ନିଲମ୍ବିତ ହେଲେ ଚିଲିକା ପ୍ରଶାନ୍ତ ଜଗଦ୍ଦେବ
admin
ଭୁବନେଶ୍ୱର : ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ବିଜେଡ଼ିରୁ ନିଲମ୍ବିତ କରାଯାଇଛି । ବିଜେଡ଼ି ସଭାପତି ନବୀନ ପଟ୍ଟନାୟକ ତାଙ୍କୁ ଦଳରୁ ନିଲମ୍ବିତ କରିଛନ୍ତି । ଆଜି ସେ ଜଣେ ବିଜେପି ନେତାଙ୍କୁ ମାଡ଼ ମାରିଥିବାର ଖବର ପ୍ରକାଶ ପାଇଥିଲା । ଯାହାକୁ ନେଇ ବିଜେପି ପକ୍ଷରୁ ଜୋରଦାର ପ୍ରତିବାଦ କରାଯାଇଥିଲା ।
ବିଜୁ ଜନତା ଦଳ ସୂତ୍ରରୁ ମିଳିଥିବା ଖବର ଅନୁଯାୟୀ, ଜନପ୍ରତିନିଧି ଭାବେ କୌଣସି ସ୍ଥାନରେ ଅସୌଜନ୍ୟ ବ୍ୟବହାର ନକରିବା ପାଇଁ ବିଜେଡ଼ି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଡ଼ା ନିର୍ଦ୍ଦେଶ ଦେଇଥିଲେ । କିନ୍ତୁ ଶ୍ରୀ ଜଗଦ୍ଦେବ ବାରମ୍ବାର ଏହାକୁ ଉଲ୍ଲଂଘନ କରିଆସୁଥିଲେ । ଯେଉଁଥିପାଇଁ ଦଳ ସୁପ୍ରିମୋ ଖପ୍ପା ଥିଲେ । ଏବେ ବିଧାନସଭା ଚାଲିଥିବାବେଳେ ବିରୋଧୀ ବିଭିନ୍ନ ପ୍ରସଙ୍ଗରେ ସରକାରଙ୍କୁ ଘେରୁଛନ୍ତି । ଏଭଳି ସମୟରେ ଜଣେ ବିଜେପି ନେତାଙ୍କୁ ମାଡ଼ ମାରିବା ଘଟଣାକୁ ଦଳର ସୁପ୍ରିମୋ ଗୁରୁତର ସହ ଗ୍ରହଣ କରିଛନ୍ତି । ତେଣୁ ତାଙ୍କୁ ଦଳରୁ ନିଲମ୍ବିତ କରାଯାଇଛି ।
ସେହିପରି ଜଗଦ୍ଦେବ ଉକ୍ତ ଭିଡ଼ିଓରେ ମାଡ଼ ମାରୁଥିବାର ଦୃଶ୍ୟ ବି ଭାଇରାଲ ହୋଇଥିଲା । ଗାଡ଼ିରୁ ଯାଇ ଧକ୍କା ମାରିବାର ଦୃଶ୍ୟକୁ କେହି ସୁଟିଂ କରିନେଇଥିଲେ ।
