ବନ୍ଧୁକ ଫୁଟାଇ ଲୁଟ,ଡକାୟତଙ୍କ ଗୁଳିରେ ୫ ଗୁରୁତର
ବନ୍ଧୁକ ଫୁଟାଇ ଲୁଟ,ଡକାୟତଙ୍କ ଗୁଳିରେ ୫ ଗୁରୁତର
admin
6609
ସୋର : ବାଲେଶ୍ବର ଜିଲ୍ଲା ସୋର ଥାନା ସାଉଡ ବଜାର ଅଞ୍ଚଳରେ ମଙ୍ଗଳବାର ବିଳମ୍ବିତ ରାତିରେ ଗହଣା ବ୍ୟବସାୟୀ ସନାତନ କମିଳାଙ୍କ ଘରେ ଶସସ୍ତ୍ର ଡକାୟତି ହୋଇଛି । ୬ ଜଣ ଦୁର୍ବୃତ୍ତ ସନାତନଙ୍କ ଘରେ ଡକାୟତ ଉଦ୍ୟମ କରିଥିଲେ । ଡକାୟତ ପରିବାରର ସମସ୍ତଙ୍କୁ ବାନ୍ଧି ପକାଇବା ସହ ବନ୍ଧୁକ ଦେଖାଇ ଭୟଭୀତ କରି ଲୁଟ କରିଥିଲେ। ହୋହଲ୍ଲା ଶୁଣି ସନାତନଙ୍କ ପଡୋଶୀ ଡକାୟତଙ୍କୁ ବାଧା ଦେଇଥିଲେ। ଫଳରେ ଡକାୟତ, ପଡୋଶୀଙ୍କ ମଧ୍ୟରେ ହାତାହତି ହୋଇଥିଲା । ଲୁଟେରା ମାନେ ୬ ରାଉଣ୍ଡ ଗୁଳି ଚାଳନା କରିଥିଲେ ।
ଏଥିରେ ଗହଣା ବ୍ୟବସାୟୀ ସନାତନଙ୍କ ପରିଵାର ସମେତ ପଡୋଶୀ ୫ ଜଣ ଆହତ ହୋଇଥିଲେ। ସେମାନଙ୍କୁ ପ୍ରଥମେ ସୋର ଡାକ୍ତରଖାନାରେ ଭର୍ତ୍ତି କରିଥିଲେ। ସେମାନଙ୍କ ମଧ୍ୟରୁ ରବୀନ୍ଦ୍ର ବାରିକ, ତାଙ୍କ ପୁଅ କାର୍ତିକ ବାରିକ, ସନାତନ କମିଳାଙ୍କୁ ବାଲେଶ୍ବର ଜିଲା ମୁଖ୍ୟ ଡାକ୍ତରଖାନା କୁ ସ୍ଥାନାନ୍ତରକୁ ସ୍ଥାନାନ୍ତର ହୋଇଛନ୍ତି। ସେଠାରେ ରବୀନ୍ଦ୍ର, ତାଙ୍କ ପୁଅ କାର୍ତିକଙ୍କୁ ଗୁରୁତର ଅବସ୍ଥାରେ କଟକ ବଡ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି। ରବୀନ୍ଦ୍ରଙ୍କ ଛାତିରେ ଗୁଳି ବାଜିଥିବା ବେଳେ କାର୍ତିକଙ୍କ ଗୋଡ଼ରେ ଗୁଳି ବାଜିଛି। ସନାତନଙ୍କ ମୁହଁକୁ ଦୁର୍ବୁର୍ତ୍ତ ମାନେ ଭୁଜାଲିରେ ଆକ୍ରମଣ କରିଛନ୍ତି। ଲୁଟେରାମାନେ ୧୫ଗ୍ରାମ ସୁନା, ୨୫୦ଗ୍ରାମରୁ ଉର୍ଦ୍ଧ୍ବ ରୁପା ନେଇ ଫେରାର ହୋଇଯାଇଛନ୍ତି।ତେବେ ଘଟଣାସ୍ଥଳରେ ସେମାନେ ବାଇକ,ବହେଲମେଟ୍ ଛାଡି ଯାଇଛନ୍ତି। ଖବର ପାଇ ପୁଲିସ ତଦନ୍ତ କରୁଛି ।
