ବଦଳି ଯାଇଛି ପପୁ ପମପମଙ୍କ ଗାଁ ର ନାଁ ।
ବଦଳି ଯାଇଛି ପପୁ ପମପମଙ୍କ ଗାଁ ର ନାଁ ।
admin
6283
ପପୁ ପମପମଙ୍କ ଗାଁର ନାଁ ବଦଳି ଯାଇଛି । ତାଙ୍କ ଗାଁ ହୋଇଛି ଗାଲୁଆପୁର । ଏହି ଗାଁର କାହାଣୀକୁ ନେଇ ନିର୍ମିତ ହୋଇ ନୂଆ ଓଡ଼ିଆ ଚିତ୍ର ‘ଗାଁର ନାଁ ଗାଲୁଆପୁର ।’ ଯାହାର ସଙ୍ଗୀତ ଉନ୍ମୋଚନ ଉତ୍ସବ ଅନୁଷ୍ଠିତ ହୋଇଯାଇଛି । ଏହାର ପ୍ରଯୋଜନାରେ ସମ୍ପ୍ରୀତ ଶତପଥୀ ଥିବା ବେଳେ ସହ ପ୍ରଯୋଜନାରେ ଅଛନ୍ତି ସମ୍ବିତ ସ୍ୱରୂପ ଶତପଥୀ, ଦୀପ୍ତିରଞ୍ଜନ ସାହୁ, ସବ୍ୟସାଚୀ ଜେନା ଓ ଦିବ୍ୟଲୋଚନ ସାହୁ ।
ଚିତ୍ରନାଟ୍ୟ ଓ ନିର୍ଦ୍ଦେଶନାରେ ଜିତେନ୍ଦ୍ର ମହାପାତ୍ର ଥିବା ବେଳେ କାହାଣୀ, ସଂଳାପ ରଚନା କରିଛନ୍ତି ନନ୍ଦଲାଲ ମହାପାତ୍ର । ପପୁଙ୍କ ନାୟିକା ଭୂମିକାରେ ଏଥିରେ ନବାଗତା ମନୀଷା ଅଭିନୟ କରିଥିବା ବେଳେ ଖଳନାୟକ ଭୂମିକାରେ ଅଛନ୍ତି ସୁଜିତ । ଅମରେନ୍ଦ୍ର ମହାନ୍ତି ଏହି ଚିତ୍ରରେ ସ୍ୱର ସଂଯୋଜନା କରିଥିବା ବେଳେ କଣ୍ଠଦାନ କରିଛନ୍ତି ଅସୀମା ପଣ୍ଡା, ସତ୍ୟଜିତ, ପପୁ, ଟି.ସୌରୀ ପ୍ରମୁଖ । ଚିତ୍ରଟିରେ ପ୍ରଥମ କରି ପପୁଙ୍କୁ ଦର୍ଶକ ଭିନ୍ନ ଭୂମିକାରେ ଦେଖିବାକୁ ପାଇବେ । ତାଙ୍କ ସହ ମନୀଷା ବେଶ ଚମତ୍କାର ଅଭିନୟ କରିଛନ୍ତି । ଏହି ଯୋଡ଼ିଙ୍କ ପ୍ରେମ ସାଙ୍ଗକୁ ସୁଜିତଙ୍କ ଖଳ ଅଭିନୟ ଚିତ୍ରର କାହାଣୀକୁ ଭିନ୍ନ ମୋଡ଼ ଦେଇଛି । ଉଭୟ କାହାଣୀ, ଗୀତ ଓ ଲୋକେସନକୁ ଦର୍ଶକ ନିଶ୍ଚିତ ପସନ୍ଦ କରିବେ ବୋଲି କ୍ରିଏଟିଭ ମୁଖ୍ୟ ପ୍ରଣୟ ଜେଠୀ କହିଛନ୍ତି ।
