ବଜେଟରେ ୭୫ ହଜାର କୋଟି ଟଙ୍କା ଓଡ଼ିଶାର ଆଶା

Feb 1, 2021 - 05:35 Updated: Feb 1, 2021 - 05:35

2643

ଭୁବନେଶ୍ୱର : ଆଜି ଉପସ୍ଥାପିତ ହେବ କେନ୍ଦ୍ର ବଜେଟ । କେନ୍ଦ୍ର ବଜେଟରେ ଓଡ଼ିଶାର ଭାଗ କେତେ ହେବ ସେନେଇ ଆକଳନ କରାଯାଉଛି । କେନ୍ଦ୍ର ବଜେଟରେ ରାଜ୍ୟ ସରକାର ୭୫ ହଜାର କୋଟି ଟଙ୍କା ପାଇବେ ବୋଲି ଆକଳିତ ହୋଇଛି । ସେହିପରି ଅର୍ଥ କମିଶନଙ୍କ ସୁପାରିଶ ଉପରେ ନଜର ରହିଥିବାବେଳେ ରେଳ ବିକାଶ ପାଇଁ ରାଜ୍ୟ ସରକାର ୭୨ ଶହ କୋଟି ଟଙ୍କାର ଦାବି ଉପସ୍ଥାପିତ କରିଛନ୍ତି । ୨୦୨୦-୨୧ରେ କେନ୍ଦ୍ରରୁ ୬୮ ହଜାର କୋଟି ମିଳିବ ବୋଲି ରାଜ୍ୟ ସରକାର ଆଶା ରଖିଥିଲେ । କେନ୍ଦ୍ରୀୟ ଟିକସ ଭାଗରୁ ୩୬୩୦୦ କୋଟି ଓ କେନ୍ଦ୍ରୀୟ ଅନୁଦାନ ବାବଦରେ ୩୨ ହଜାର କୋଟି ଟଙ୍କା ମିଳିଥା’ନ୍ତା । କିନ୍ତୁ କରୋନା ପାଇଁ ଆବଶ୍ୟକୀୟ ଅନୁଦାନ ମିଳିପାରିଲା ନାହିଁ । ଅପରପକ୍ଷରେ ଦେଶର ଜିଡ଼ିପି ଚଳିତ ଆର୍ଥôକ ବର୍ଷରେ ୭.୭% ହ୍ରାସ ପାଇବ ବୋଲି ଆକଳିତ ହୋଇଛି । କିନ୍ତୁ ୨୦୨୧-୨୨ରେ ୧୧% ଅଭିବୃଦ୍ଧିର ଲକ୍ଷ୍ୟ ରହିଛି । ତେଣୁ ରାଜ୍ୟ ସରକାର କେନ୍ଦ୍ରରୁ ୭୫ ହଜାର କୋଟି ଟଙ୍କା ପାଇବାର ଆଶା ରଖିଛନ୍ତି । ପୂର୍ବରୁ କେନ୍ଦ୍ର ସରକାର ଟିକସ ଆୟର ୪୨% ରାଜ୍ୟକୁ ଦେବେବୋଲି ନିଷ୍ପତି ନେଇଥିଲେ । କିନ୍ତୁ ପରବର୍ତୀ ସମୟରେ ଏହା ୪୧%କୁ ହ୍ରାସ ପାଇଥିଲା । ଅପରପକ୍ଷରେ ଓଡ଼ିଶାର ଭାଗ ୪.୬୪%ରୁ ୪.୬୨%କୁ ଖସି ଆସିଥିଲା ।