ଫେବୃଆରୀ ୮ରୁ ୯ମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କର ପାଠପଢ଼ା ଆରମ୍ଭ
ଫେବୃଆରୀ ୮ରୁ ୯ମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କର ପାଠପଢ଼ା ଆରମ୍ଭ
admin
3581
ଭୁବନେଶ୍ୱର : ବୋଡର଼୍ ପରୀକ୍ଷାକୁ ଆଖି ଆଗରେ ରଖି ଗତମାସ ଠାରୁ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କର ପାଠପଢ଼ା ଆରମ୍ଭ ହୋଇଛି । କାଁ ଭାଁ କିଛି ତ୍ରୁଟିକୁ ଛାଡ଼ିଦେଲେ ପାଠପଢ଼ା ଜାରିରହିଛି । ଅପରପକ୍ଷରେ ଫେବୃଆରୀ ୮ରୁ ୯ମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କର ପାଠପଢ଼ା ଆରମ୍ଭ ହେବ । ରାଜ୍ୟରେ ଥିବା ସରକାରୀ, ଅନୁଦାନପ୍ରାପ୍ତ ଓ ବେସରକାରୀ ବିଦ୍ୟାଳୟଗୁଡ଼ିକରେ ଗୋଟିଏ ଦିନରେ କ୍ଲାସରୁମ ପାଠପଢ଼ା ଆରମ୍ଭ ହେବ । ଉକ୍ତ ଦୁଇ ଶ୍ରେଣୀ ଛାତ୍ରଛାତ୍ରୀଙ୍କ ପାଠପଢ଼ା ଏପ୍ରିଲ ୩୦ ପର୍ଯ୍ୟନ୍ତ ଜାରିରହିବ ।
ସେହିପରି ସୋମବାରରୁ ଶନିବାର ପର୍ଯ୍ୟନ୍ତ ପ୍ରତିଦିନ ସକାଳ ୮ଟା ୩୦ରୁ ସାଢେ ୧୦ଟା ପର୍ଯ୍ୟନ୍ତ ଦୁଇ ଘଂଟା ଧରି ପାଠପଢ଼ା ହେବ । ପ୍ରତିଦିନ ୩ଟି ପିରିୟଡ଼ ପଢ଼ାଯିବ । ତେବେ ରବିବାର କ୍ଲାସ ହେବନାହିଁ । ଅପରପକ୍ଷରେ ଦଶମ ଓ ଦ୍ୱାଦଶ ଶ୍ରେଣୀ ଲାଗି ପୂର୍ବରୁ ଜାରି ହୋଇଥିବା ଗାଇଡ଼ଲାଇନ ପୂର୍ବଭଳି ଜାରିରହିବ ଏବଂ ରବିବାର କ୍ଲାସ ହେବ । ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଠପଢ଼ା ଏଣିକି ପୂର୍ବାହ୍ନ ୧୧ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ଚାଲିବ । ଏହି ସମୟ ମଧ୍ୟରେ ୭ଟି ପିରିୟଡ଼ କ୍ଲାସ କରାଯିବ । ଅପରାହ୍ନ ୧ ଟା ୪୦ରୁ ୨ଟା ୧୦ ପର୍ଯ୍ୟନ୍ତ ମଧ୍ୟାହ୍ନଭୋଜନ ବିରତି ହେବ । କିନ୍ତୁ ୯ମ ଓ ୧୧ଶ ଶ୍ରେଣୀରେ ମଧ୍ୟାହ୍ନଭୋଜନ ଛୁଟି ରହିବ ନାହିଁ । ସିଫ୍ଟ ଆରମ୍ଭ ହେବାର ୩୦ ମିନିଟ ପୂର୍ବରୁ ଶିକ୍ଷକ ଶିକ୍ଷୟିତ୍ରୀ ସ୍କୁଲରେ ରିପୋର୍ଟିଂ କରିବେ । ପିରିୟଡ଼ଗୁଡ଼ିକର ଆଲଟମେଂଟ ହେବ, ଯେମିତି ପ୍ରଥମ ସିଫ୍ଟରେ ବିଦ୍ୟାଳୟକୁ ଆସିଥିବା ଶିକ୍ଷୟ ଶିକ୍ଷୟିତ୍ରୀଙ୍କ କ୍ଲାସ ଅପରାହ୍ନ ସାଢେ଼ ୧ଟା ସୁଦ୍ଧା ସରିବ । ଦ୍ୱିତୀୟ ସିଫ୍ଟର ଶିକ୍ଷକ ଶିକ୍ଷୟିତ୍ରୀ ଅପରାହ୍ନ ୪ଟା ପର୍ଯ୍ୟନ୍ତ ଡୁ୍ୟଟି କରିବେ ।
