ପୁଣି ଫେରିଛି ଶୀତ : ୧୦ ଡିଗ୍ରୀ ତଳେ ୧୦ ସହର

Feb 2, 2021 - 06:11 Updated: Feb 2, 2021 - 06:11

2957

ଭୁବନେଶ୍ୱର: ପୁଣି ଫେରିଛି ଶୀତ । ରାଜ୍ୟରେ ପ୍ରବଳ ଶୀତ ଅନୁଭୂତ ହୋଇଛି । ଏପରିକି ୧୦ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଥିବା ଜଣାଯାଇଛି । ୪.୫ ଡିଗ୍ରୀ ସହ ଜି.ଉଦୟଗିରି ଓ ଫୁଲବାଣୀ ରାଜ୍ୟର ସବୁଠୁ ଥଣ୍ଡା ସହରଭାବେ ଉଭା ହୋଇଛି । ସେହିପରି ଦାରିଙ୍ଗିବାଡ଼ିରେ ତାପମାତ୍ରା ୭.୫ ଡିଗ୍ରୀ ଥିବାବେଳେ ବଲାଙ୍ଗୀରରେ ୭.୮, ଝାରସୁଗୁଡ଼ାରେ ୮.୨, କେନ୍ଦୁଝରରେ ୮.୨, ଭବାନୀପାଟଣାରେ ୮.୫, ସୋନପୁରରେ ୯.୫, ଅନୁଗୁଳରେ ୯.୬ ଓ ବାରିପଦାରେ ତାପମାତ୍ରା ୯.୬ ଡିଗ୍ରୀ ଥିବା ଜଣାଯାଇଛି । ଅନ୍ୟପକ୍ଷରେ ଭୁବନେଶ୍ୱରର ତାପମାତ୍ରା ୧୩ ଡିଗ୍ରୀ ଥିବାବେଳେ କଟକରେ ତାପମାତ୍ରା ୧୧.୮ ଡିଗ୍ରୀ ଥିବା ଜଣାଯାଇଛି ।