ପ୍ରଚାର କମିଟି ପକ୍ଷରୁ ଭକ୍ତଙ୍କ ଇସ୍ତଫା

May 24, 2019 - 10:21 Updated: May 24, 2019 - 10:21

6485

ଭୁବନେଶ୍ୱର: ନିର୍ବାଚନରେ ଶୋଚନୀୟ ପରାଜୟ ପରେ କଂଗ୍ରେସରେ ଚାଲିଛି ଇସ୍ତଫା ପର୍ବ । ଜଣଙ୍କ ପରେ ଜଣେ ନେତା ପଦ ଛାଡୁଛନ୍ତି । କଂଗ୍ରେସ ପ୍ରଚାର କମିଟି ପକ୍ଷରୁ ଇସ୍ତଫା ଦେଇଛନ୍ତି ଭକ୍ତ ଚରଣ ଦାସ । ସେ ତାଙ୍କର ଇସ୍ତଫା ପତ୍ର କଂଗ୍ରେସ ଏଆଇସିସି ନିକଟକୁ ପଠାଇ ଦେଇଛନ୍ତି । ହାରି ଥିବା ନେତା ବାଟ ଛାଡିଦେବା ଉଚିତ ବୋଲି ଭକ୍ତ କହିଛନ୍ତ । ନୂଆପିଢ଼ି ଆସିଲେ ନୂଆ ସୁଯୋଗ ସୃଷ୍ଟି ହେବ । ସୂଚନାଯୋଗ୍ୟ ଯେ, ଭକ୍ତଙ୍କ ପୂର୍ବରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଓ ପିସିସି ସଭାପତି ନିରଞ୍ଜନ ପଟ୍ଟନାୟକ ମଧ୍ୟ ପଦ ଛାଡିଛନ୍ତି ।