ପୋଖରୀରୁ ମିଳିଲାନି ପରୀର ଲକେଟ୍
ପୋଖରୀରୁ ମିଳିଲାନି ପରୀର ଲକେଟ୍
admin
6117
ନୟାଗଡ଼: ଯଦୁପୁର ଗ୍ରାମରେ ଏସଆଇଟି ଟିମ ପହଞ୍ଚି ଅଭିଯୁକ୍ତ ସରୋଜ ସେଠୀ ଘରୁ ଏକ ଗାମୁଛା ସହ ଅନ୍ୟାନ୍ୟ କିଛି ସାମଗ୍ରୀ ଜବତ କରିଛି । ପରୀର ନୀଳ ରଙ୍ଗର ଲେଗିଙ୍ଗସ ମିଳିଥିବା ବେଳେ ପୋଖରୀରୁ ପରୀର ଲକେଟ ଖୋଜା ଯାଇଥିଲା । ତେବେ ଲକେଟ ମିଳିନଥିଲା । ଏକ ପୁରୁଣା ଅକାମୀ ମୋବାଇଲ ଫୋନ ମିଳିଥିଲା । ତେବେ ଏହି ଫୋନରେ ହତ୍ୟା ଘଟଣା ସହ କିଛି ସମ୍ପର୍କ ନଥିବା ଅନୁମାନ କରାଯାଉଛି । ଦିନ ତମାମ ଓଡ୍ରାଫ ଟିମ ପୋଖରୀରେ ବୁଡ଼ି ଲକେଟକୁ ଖୋଜି ଖୋଜି ବେଦମ ହୋଇଥିଲେ । ହେଲେ ଲକେଟ ମିଳିନଥିଲା । ଏସଆଇଟିର ମୁଖ୍ୟ ଅରୁଣ ବୋଥ୍ରା ତାଙ୍କ ଟିମ ସହ ଅଭିଯୁକ୍ତ ଘର ଉପରେ ଚଢ଼ଉ କରି ଅଭିଯୁକ୍ତ ସରୋଜ ସେଠୀ ଘରୁ ଏକ ଗାମୁଛା ସହ ଆଉ କିଛି ସାମଗ୍ରୀ ଜବତ କରିଥିଲା । ଏହି ଗାମୁଛାରେ ରକ୍ତ ଲାଗିଥିବା କୁହାଯାଉଛି । ଚଢ଼ଉ ସମ୍ପର୍କରେ ଅଭିଯୁକ୍ତ ସରୋଜର ମାଙ୍କୁ ପଚାରିବାରେ ସେ ଏସଆଇଟିମ ଘରୁ ଏକ ଗାମୁଛା ଓ ଅନ୍ୟ କିଛି ସାମଗ୍ରୀ ଜବତ କରି ନେଇଥିବା ସୂଚନା ଦେଇଛନ୍ତି । ପ୍ରକାଶ ଯେ ଅଭିଯୁକ୍ତ ସରୋଜ ଯଦୁପୁରରେ ଏହି ପୋଖରୀ ନିକଟ ବୁଦା ଭିତରେ ଏକ ଅଖାରେ ପରୀର ମୃତଦେହକୁ ବାନ୍ଧି ଲୁଚାଇ ବୁଦା ଦେଇଥିଲା । ଲୋକଙ୍କ ଦୃଷ୍ଟି ନ ପଡ଼ିବା ପାଇଁ ନଡିଆ ବାହୁଙ୍ଗା ଘୋଡ଼ାଇ ଦେଇଥିଲା । ତେବେ ଲେଗିଙ୍ଗସ ଅଖାରେ ବାନ୍ଧିବାକୁ ଭୁଲି ଯାଇଥିବାରୁ ପରେ ଆଣି ପୋଖରୀରେ ଫିଙ୍ଗି ଦେଇଥିଲା ।
