ପୁଲିସ ମାଡ଼ରେ ଯୁବକ ମୃତ!

Nov 19, 2020 - 11:16 Updated: Nov 19, 2020 - 11:16

2146

ପୁରୀ: ପୁଲିସ ମାଡ଼ରେ ଜଣେ ଯୁବକଙ୍କ ମୃତୁ୍ୟ ଅଭିଯୋଗ ହୋଇଛି । ଯୁବକଙ୍କ ନାମ କେ.ରମେଶ (୩୧) । ବାସେଳୀସାହି ଥାନାର ଜଣେ ପୁଲିସ କର୍ମଚାରୀ ବୁଧବାର ରାତି ୮ଟା ୧୫ ରେ ମୃତ ଯୁବକଙ୍କୁ ନେଇ ଜିଲ୍ଲା ସଦର ହସ୍ପିଟାଲର ବହିଃବିଭାଗକୁ ଯାଇଥିଲେ । ଡାକ୍ତରଖାନା ଶବ ବ୍ୟବଚ୍ଛେଦ ଖାତାରେ ଏ ସମ୍ପର୍କରେ ଡାକ୍ତର ଉଲ୍ଲେଖ କରିଛନ୍ତି । କେଉଁ ମକଦ୍ଧମାରେ ଯୁବକଙ୍କୁ ଗିରଫ କରାଯାଇଥିଲା ଏବଂ କେଉଁ ପୁଲିସ କର୍ମଚାରୀ ତାଙ୍କୁ ମାଡ଼ ମାରିଥିଲେ ସେଥି ନେଇ ସ୍ପଷ୍ଟ ସୂଚନା ମିଳିନାହିଁ । ଡାକ୍ତରଖାନା ପଞ୍ଜୀକରଣ ଖାତା ଏବଂ ଶବ ବ୍ୟବଚ୍ଛେଦ ପୁସ୍ତକରେ ଭିନ୍ନ ଠିକଣା ଦର୍ଶାଯାଇଛି । ଏଥିଯୋଗୁ ଘଟଣା ଅଧିକ ରହସ୍ୟ ଜନକ ମନେ ହେଉଛି । ସମ୍ପୃକ୍ତ ଯୁବକଙ୍କୁ ପୁଲିସ ଧରି ନେଇ ଥାନାରେ ପଚରା ଉଚରା କରୁଥିଲା । ରାତିରେ ଜଣେ ପୁଲିସ କର୍ମଚାରୀ ଯୁବକଙ୍କ ଶବ ସହ ଡାକ୍ତରଖାନାକୁ ଯାଇଥିଲେ । ଶବ ସଂରକ୍ଷଣ ଗୃହରେ ଯୁବକଙ୍କ ଶବ ବ୍ୟବଚ୍ଛେଦ ପାଇଁ ରଖାଯାଇଛି ।