ନୀତି ଆୟୋଗ ରପ୍ତାନି ପ୍ରସ୍ତୁତି ସୂଚୀ ୨୦୨୦, ଶୀର୍ଷ ୫ରେ ଓଡ଼ିଶା
ନୀତି ଆୟୋଗ ରପ୍ତାନି ପ୍ରସ୍ତୁତି ସୂଚୀ ୨୦୨୦, ଶୀର୍ଷ ୫ରେ ଓଡ଼ିଶା
admin
5498
ଭୁବନେଶ୍ୱର: ରପ୍ତାନୀକାରୀଙ୍କ ପାଇଁ ସୁବିଧା ସୁଯୋଗ ଓ ଭିତ୍ତିଭୂମି ସୃଷ୍ଟି କରିବାରେ ଓଡ଼ିଶା ଦେଶର ଅନ୍ୟ ବିକଶିତ ରାଜ୍ୟ ଗୁଡ଼ିକ ଠାରୁ ଢେ଼ର ଆଗରେ ରହିଛି । ନିତି ଆୟୋଗ ପକ୍ଷରୁ ସଦ୍ୟ ପ୍ରକାଶିତ ରପ୍ତାନୀ ପ୍ରସ୍ତୁତି ସୂଚନୀ ୨୦୨୦ରୁ ଏହା ଜଣାପଡ଼ିଛି । ରପ୍ତାନୀ ପ୍ରସ୍ତୁତି ସୂଚୀରେ ଦେଶର ୫ଟି ଶୀର୍ଷ ରାଜ୍ୟଗୁଡ଼ିକ ମଧ୍ୟରେ ଓଡ଼ିଶା ସ୍ଥାନ ପାଇଛି । ଏ କ୍ଷେତ୍ରରେ ଓଡ଼ିଶାକୁ ୫୮.୨୩ ପଏଣ୍ଟ ମିଳିଛି । ଓଡ଼ିଶା ଉପରେ ଗୁଜରାଟ, ମହାରାଷ୍ଟ୍ର, ତାମିଲନାଡୁ ଓ ରାଜସ୍ଥାନ ରହିଛନ୍ତି । ଏହି ସୂଚୀରେ ଓଡ଼ିଶା ତେଲେଙ୍ଗାନା, ହରିୟାଣା, କର୍ଣ୍ଣାଟକ, ଦିଲ୍ଲୀ, ପଞ୍ଜାବ ଏବଂ ଆନ୍ଧ୍ରପ୍ରଦେଶ ଭଳି ଶିଳ୍ପ ସମୃଦ୍ଧ ରାଜ୍ୟଗୁଡ଼ିକୁ ପଛରେ ପକାଇ ଦେଇଛି । ତେଲେଙ୍ଗାନା ଓ ହରିୟାଣା ଯଥାକ୍ରମେ ଷଷ୍ଠ ଓ ସପ୍ତମ ସ୍ଥାନରେ ରହିଉନ୍ତି । କର୍ଣ୍ଣାଟକ ନବମ ସ୍ଥାନରେ ରହିଥିବା ବେଳେ ଦିଲ୍ଲୀ ପଞ୍ଚଦଶ, ପଞ୍ଜାବ ଅଷ୍ଟାଦଶ ଓ ଆନ୍ଧ୍ରପ୍ରଦେଶ ବିଂଶତମ ସ୍ଥାନରେ ରହିଛନ୍ତି । କେବଳ ସେତିକି ନୁହେଁ ନିତି ଆୟୋଗ ପ୍ରସ୍ତୁତ ରପ୍ତାନୀ ପରିବେଶ ସ୍ତମ୍ଭ କ୍ଷେତ୍ରରେ ମଧ୍ୟ ଓଡ଼ିଶା ସାରା ଦେଶରେ ଦ୍ୱିତୀୟ ସ୍ଥାନରେ ରହି ରାଜ୍ୟ ପାଇଁ ପ୍ରଶଂସା ଆଣିଛି ।
