ନାବାଳିକାକୁ ଦୁଷ୍କର୍ମ କରି ଆଇନଜୀବି ଗରିଫ

Dec 30, 2020 - 09:26 Updated: Dec 30, 2020 - 09:26

3903

ଭୁବନେଶ୍ୱର: ରାଜ୍ୟରେ ଶିଶୁ ନିଖୋଜ ଓ ଦୁଷ୍କର୍ମ ମାମଲା ବୃଦ୍ଧି ନେଇ ରାଜନୀତି ସରଗରମ ହୋଇପଡ଼ିଥିବା ବେଳେ ପୁରୁଣା ଭୁବନେଶ୍ୱରରୁ ଆସିଛି ପୁଣି ଏକ ସଙ୍ଗୀନ ଅଭିଯୋଗ । ମାତ୍ର ୭ ବର୍ଷର ଜଣେ ନାବାଳିକା ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହେଉଛି । ଗୁରୁତ୍ୱପୂର୍ଣ୍ଣ କଥା ହେଉଛି ନାବାଳିକାର ପଡୋଶୀ ଆଇନଜୀବୀ ରବି ଦାସ (୪୦) ହେଉଛନ୍ତି ଏହି ମାମଲାର ଅଭିଯୁକ୍ତ । ନିଜ ପୁଅର ସାଙ୍ଗ ନାବାଳିକାକୁ ଏକୁଟିଆ ପାଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏଭଳି ଏକ ଜଘନ୍ୟ କାଣ୍ଡର ଅଭିଯୁକ୍ତ ଆଇନଜୀବୀଙ୍କ ବିରୋଧରେ ପୁଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ତାଙ୍କୁ ଗିରଫ କରି ଜେଲ ହାଜତକୁ ପଠାଇଛି । ମାମଲାଟି ରାଜଧାନୀରେ ଚର୍ଚ୍ଚାର ବିଷୟ ହୋଇଛି ।