ଧନ୍ୟବାଦ ଅରୁଣ ବୋଥ୍ରା ଓ ଦୋସା, ଉଦ୍ଧାର ହେଲେ ଫସିଥିବା ରୋଗୀ
ଧନ୍ୟବାଦ ଅରୁଣ ବୋଥ୍ରା ଓ ଦୋସା, ଉଦ୍ଧାର ହେଲେ ଫସିଥିବା ରୋଗୀ
admin
4440
ଭୁବନେଶ୍ୱର : ଗୋଟିଏ ପଟେ ପ୍ରବାସୀ ଓଡ଼ିଆ ଶ୍ରମିକଙ୍କୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଉଥିବାବେଳେ ଅପରପକ୍ଷରେ ବରିଷ୍ଠ ଆଇପିଏସ ଅଫିସର ଅରୁଣ ବୋଥ୍ରା ଓ ସାମାଜିକ ଅନୁଷ୍ଠାନ ‘ଦୋସା’ ପାଇଁ ଜଣେ ରୋଗୀଙ୍କୁ ଉଦ୍ଧାର କରାଯାଇପାରିଛି ।
ଘଟଣାଟି ଏମିତି । ଅଙ୍କିତା ମହାନ୍ତି ନାମକ ଜଣେ ଯୁବତୀଙ୍କ ଭଉଣୀ କ୍ୟାନସର ରୋଗରେ ପୀଡ଼ିତ ଥିଲେ । କ୍ୟାନସରରେ ପୀଡ଼ିତ ହୋଇ ସେ ମୁମ୍ବାଇରେ ଚିକିତ୍ସିତ ହେଉଥିଲେ । ତାଙ୍କୁ ୧୨ଟି କେମୋ ଦେବା ପାଇଁ ଡାକ୍ତର ପରାମର୍ଶ ଦେଇଥିଲେ । କିନ୍ତୁ କରୋନା ପାଇଁ ମୁମ୍ବାଇରେ ଚିକିତ୍ସା ସମ୍ଭବପର ହୋଇପାରିନଥିଲା । ବରଂ କଟକରେ କେମୋ ଦେବା ପାଇଁ ଡାକ୍ତର ପରାମର୍ଶ ଦେଇଥିଲେ । ତେବେ ଲକଡାଉନ ଯୋଗୁଁ ସେ ଆଉ ମୁମ୍ବାଇରୁ ଓଡ଼ିଶା ଆସିପାରିନଥିଲେ । ଏନେଇ ଅଙ୍କିତା ରାଜ୍ୟ ସରକାରଙ୍କ ସହଯୋଗ ଲୋଡ଼ିଥିଲେ । ଅଙ୍କିତାଙ୍କୁ ସହଯୋଗ କରିବା ପାଇଁ ପ୍ରବାସୀ ଓଡ଼ିଆଙ୍କ ସଂଗଠନ ‘ଦୋସା’ ବି ଆଗେଇ ଆସିଥିଲା । ଏନେଇ ଅରୁଣ ବୋଥ୍ରାଙ୍କୁ ଟ୍ୱିଟ କରାଯିବା ପରେ ତୁରନ୍ତ ପଦକ୍ଷେପ ଗ୍ରହଣ କରାଯାଇଥିଲା । ଶ୍ରୀ ବୋଥ୍ରାଙ୍କ ହସ୍ତକ୍ଷେପ ପରେ ଓଡ଼ିଶାରୁ ଏକ ଗାଡ଼ି ମୁମ୍ବାଇ ଯାଇ ସେମାନଙ୍କୁ ଓଡ଼ିଶା ଫେରାଇ ଆଣିପାରିଥିଲା ।
