ତୃତୀୟ ପର୍ଯ୍ୟାୟ ପରୀକ୍ଷଣ ପୂର୍ବରୁ ଦ୍ୱିତୀୟ ଟୀକାକୁ ଋଷର ମଞ୍ଜୁରୀ
ତୃତୀୟ ପର୍ଯ୍ୟାୟ ପରୀକ୍ଷଣ ପୂର୍ବରୁ ଦ୍ୱିତୀୟ ଟୀକାକୁ ଋଷର ମଞ୍ଜୁରୀ
admin
3826
ମସ୍କୋ : ସ୍ପୁଟନିକ ଭି ପରେ ଆଉ ଏକ ଟୀକାକୁ ଋଷ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ମଞ୍ଜୁରୀ ପ୍ରଦାନ କରାଯାଇଛି । ତେବେ ତୃତୀୟ ପର୍ଯ୍ୟାୟ ପରୀକ୍ଷଣ ପୂର୍ବରୁ ଏହି ଟୀକାକୁ ମଧ୍ୟ ମଞ୍ଜୁରୀ ପ୍ରଦାନ କରାଯାଇଛି । ସାଇବେରିଆରେ ଅବସ୍ଥିତ ଭେକ୍ଟର ଷ୍ଟେଟ ଭାଇରୋଲୋଜି ଏବଂ ବାୟୋଟେକ୍ନୋଲୋଜି ସେଣ୍ଟରର ମିଳିତ ଉଦ୍ୟମରେ ଏହି ଟୀକା ପ୍ରସ୍ତୁତ କରାଯାଇଛି । ଋଷ ରାଷ୍ଟ୍ରପତି ଭ୍ଲାଦିମିର ପୁତିନ ଏକ ଟେଲିଭିଜନ ବାର୍ତ୍ତା ଜରିଆରେ ଏହି ସୂଚନା ଦେଇଛନ୍ତି । ପ୍ରଥମ ଟୀକାର ଉପôାଦନ ଜୋରସୋରରେ ଚାଲିଛି ଏବଂ ଦ୍ୱିତୀୟ ଟୀକା ମଧ୍ୟ ପ୍ରସ୍ତୁତ ହୋଇଯାଇଛି ବୋଲି ପୁତିନ କହିଛନ୍ତି । ପ୍ରଥମେ ଏହି ଦୁଇଟି ଟୀକାକୁ ଋଷରେ ପ୍ରୟୋଗ କରାଯିବ ଏବଂ ପରବର୍ତ୍ତୀ ସମୟରେ ଅନ୍ତର୍ଜାତୀୟ ବଜାରକୁ ବିକ୍ରି କରାଯିବ ବୋଲି ପୁତିନ ସୂଚନା ଦେଇଛନ୍ତି । ଏହା ସହିତ ମସ୍କୋର ଚୁମକୋଭ ଫେଡେରାଲ ସାଇନ୍ସ ସେଣ୍ଟର ତୃତୀୟ ଟୀକାର ପ୍ରସ୍ତୁତି ମଧ୍ୟ ଜାରି ରଖିଛି ଯାହାର ଦ୍ୱିତୀୟ ପର୍ଯ୍ୟାୟ ମାନବ ପରୀକ୍ଷଣ ଶେଷ ହେବାକୁ ଯାଉଛି । ଉଲ୍ଲେଖଯୋଗ୍ୟ ପ୍ରଥମ କରୋନା ଟୀକା ସ୍ପୁଟନିକ-ଭିର ଘୋଷଣା ପରେ ବିଶ୍ୱର ପ୍ରାୟ ୫୦ ରାଷ୍ଟ୍ର ଋଷ ଟୀକା କିଣିବା ପାଇଁ ଆବେଦନ କରିଛନ୍ତି ।
