ଟିକଟକକୁ କିଣିବ ଜିଓ : ପ୍ରାରମ୍ଭିକ ଆଲୋଚନା ଆରମ୍ଭ
ଟିକଟକକୁ କିଣିବ ଜିଓ : ପ୍ରାରମ୍ଭିକ ଆଲୋଚନା ଆରମ୍ଭ
admin
3254
ବିଶ୍ୱର ଚତୁର୍ଥ ଧନୀ ମୁକେଶ ଅମ୍ବାନୀ ଟିକଟକ କିଣିବେ ବୋଲି ଚର୍ଚ୍ଚା ହେଉଛି । ଟିକଟକର ଭାରତ ବ୍ୟବସାୟକୁ ସେ କିଣିବା ପାଇଁ ଯୋଜନା କରୁଥିବାବେଳେ ଟିକଟକର ସିଇଓଙ୍କ ସହ କଥା ହୋଇଥିବା ଚର୍ଚ୍ଚା ହେଉଥିଲା । କିନ୍ତୁ ରିଲିୟାନ୍ସ ପକ୍ଷରୁ ଏହା ଖଣ୍ଡନ କରାଯାଇଛି । ଚର୍ଚ୍ଚା ଅନୁଯାୟୀ, ଭାରତ ଓ ଆମେରିକାରେ ଟିକଟକ ଉପରେ ପ୍ରତିବନ୍ଧକ ଲାଗିଛି । ଟିକଟକ କମ୍ପାନୀକୁ ବିକ୍ରି କରିବା ପାଇଁ ଯୋଜନା ହୋଇସାରିଛି । ଗୋଟିଏ ପଟେ ମାଇକ୍ରୋସଫ୍ଟ କମ୍ପାନୀ ଟିକଟକକୁ କିଣିବା ପାଇଁ ଯୋଜନା କରୁଥିବା ଆମେରିକୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ଅପରପକ୍ଷରେ ଟିକଟକର ଭାରତର ବ୍ୟବସାୟରେ ରିଲିୟାନ୍ସ ପୁଞ୍ଜି ନିବେଶ କରିବାକୁ ଯୋଜନା କରିଥିବା ଚର୍ଚ୍ଚା ହେଉଥିଲା । ଏହି ପରିପ୍ରେକ୍ଷୀରେ ଅନ୍ୟ ଏକ ଚର୍ଚ୍ଚା ଅନୁଯାୟୀ, ଟିକଟକର ସିଇଓ କେଭିନ ମେୟର ରିଲିୟାନ୍ସର ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଛନ୍ତି । କିନ୍ତୁ ରିଲିୟାନ୍ସ ପକ୍ଷରୁ ଏହାକୁ ଏକ ଗୁଜୁବ ବୋଲି କୁହାଯାଉଛି ।
