ଝରାଫୁଲ ମୃତୁ୍ୟ ମାମଲା : ରିମାଣ୍ଡରେ ଯିବ ରାକେଶ
ଝରାଫୁଲ ମୃତୁ୍ୟ ମାମଲା : ରିମାଣ୍ଡରେ ଯିବ ରାକେଶ
admin
4865
ଭୁବନେଶ୍ୱର:ରମାଦେବୀ କଲେଜ ଛାତ୍ରୀ ଝରାଫୁଲ ମୃତୁ୍ୟ ମାମଲା । ଝରାଫୁଲର ପୁରୁଷ ବନ୍ଧୁ ରାକେଶ ସ୍ୱାଇଁ ରିମାଣ୍ଡ ଯିବ ବୋଲି ସୂଚନା ମିଳିଛି । ରାକେଶକୁ ୩ ଦିନ ରିମାଣ୍ଡରେ କୁଆଖିଆ ପୋଲିସ ନେବ । ଯାଜପୁର ଜିଲ୍ଲା ଓ ଦୋରା ଜଜ୍ ପୋଲିସକୁ ରିମାଣ୍ଡ ଅନୁମତି ଦେଇଛନ୍ତି । କାଲି ପୂର୍ବାହ୍ନରୁ ୫ ତାରିଖ ପୂର୍ବାହ୍ନ ପର୍ଯ୍ୟନ୍ତ ରିମାଣ୍ଡ ଅବଧି ବଢିଛି ।
ପ୍ରକାଶ ଯେ, ଗତ ୨୬ରେ ଝରାଫୁଲ ଘରକୁ ଫେରୁଥିବା ପରିବାର ଲୋକେ ଜାଣିଥିଲେ । ଅପରାହ୍ନ ପ୍ରାୟ ୪ଟା ସୁଦ୍ଧା ଘରେ ପହଁଚିବା କଥା । କିନ୍ତୁ ବେଶୀ ବିଳମ୍ବ ହେବାର ପରିବାର ଲୋକେ ଝରାଫୁଲକୁ ଫୋନ କରିଥିଲେ । କିନ୍ତୁ ଝରାଫୁଲ ଫୋନ ଉଠାଇ ନଥିଲେ । ହ୍ୱାଟସଆପରେ ମେସେଜ କରିଥିଲେ ଝାରଫୁଲଙ୍କ ଭାଇ । ଝରାଫୁଲ ଏହାର ଉତରରେ କହିଥିଲେ, ଭାଇ ମୋର ନେଟୱାର୍କ ପ୍ଲୋବ୍ଲେମ ଅଛି । ମୁଁ ଠିକ ଅଛି । ମୋ ଫ୍ରେଣ୍ଡ ସୋନାଲି ଘରେ ରହିଛି । ତଥାପିବି ମନରେ ସାମାନ୍ୟ ସନେ୍ଦହ ହେବାରୁ ଭାଇ ସୋନାଲିର ମୋବାଇଲ ନମ୍ବର, ଠିକଣା ମାଗିଥିଲେ । ଝରାଫୁଲ ଫୋନ ନମ୍ବର ଦେବା ପରେ ରାତି ୧୨ଟା ପର୍ଯ୍ୟନ୍ତ ସୋନାଲି ସହ ପରିବାର ଲୋକେ ଚାଟିଂ କରି ତାଙ୍କ ସମ୍ପର୍କରେ ବୁଝିଥିଲେ । ତେବେ ରାକେଶ ହିଁ ସୋନାଲି ନାଁରେ ଚାଟିଂ କରୁଥିବା ପୁଲିସ ତଦନ୍ତରୁ ଜାଣିବାକୁ ପାଇଛି । ୨୬ ତାରିଖ ରାତି ସାରା ଖଣ୍ଡଗିରି ଧର୍ମବିହାରରେ ଥିବା ଶିବସାଇ ଓୟୋ ଗେଷ୍ଟ ହାଉସରେ ରାକେଶ ଓ ଝରାଫୁଲ ଥିଲେ । ଝରାଫୁଲ ଜାଣିଶୁଣି ସୋନାଲି ନାଁରେ ମିଛ କହିଥିଲେ । ସେହିପରି ରାକେଶ ସୋନାଲି ନାଁରେ ଚାଟ କରୁଥିଲେ ବୋଲି ପୁଲିସ ତଦନ୍ତରୁ ଜଣାପଡ଼ିଛି ।
