ଜାତୀୟ ପ୍ରସାରଣ ଦିବସ
ଜାତୀୟ ପ୍ରସାରଣ ଦିବସ
admin
3592
୧୯୨୭ ଜୁଲାଇ ୨୩ ତାରିଖକୁ ଆମ ଦେଶରେ ପ୍ରତି ବର୍ଷ ‘ଜାତୀୟ ପ୍ରସାରଣ ଦିବସ’ ଭାବେ ପାଳନ କରାଯାଏ । ଏହି ଦିନ ଇଣ୍ଡିଆନ ବ୍ରଡକାଷ୍ଟିଂ କମ୍ପାନୀ ଦ୍ୱାରା ବମ୍ବେ ଷ୍ଟେସନରୁ ପ୍ରଥମେ ରେଡିଓ ପ୍ରସାରଣ ଆରମ୍ଭ ହୋଇଥିଲା । ସେହି ବର୍ଷ ଅଗଷ୍ଟ ୨୬ ତାରିଖରେ ଦ୍ୱିତୀୟ ପ୍ରସାରଣ କେନ୍ଦ୍ର କଲିକତାରେ ପ୍ରତିଷ୍ଠିତ ହୋଇଥିଲା । ପରବର୍ତ୍ତୀ ସମୟରେ ଭାରତରେ ଶାସନ କରୁଥିବା ବ୍ରିଟିଶ ସରକାର ଏହାର ଦାୟିତ୍ୱ ନେଇଥିଲେ । ୧୯୩୦ ଏପ୍ରିଲ ୧ ତାରିଖକୁ “ଇଣ୍ଡିଆନ ଷ୍ଟେଟ ବ୍ରଡକାଷ୍ଟିଂ ସର୍ଭିସ’ ନାଁରେ ଦୁଇ ବର୍ଷ ପର୍ଯ୍ୟନ୍ତ ପରୀକ୍ଷା ମୂଳକ ଭାବେ ପ୍ରସାରଣ ଆରମ୍ଭ ହୋଇଥିଲା । ସୁଫଳ ମିଳିବା ପରେ, ୧୯୩୬ ଜୁନ ୮ ତାରିଖରେ ଏହା ‘ଅଲ ଇଣ୍ଡିଆ ରେଡିଓ’ ଭାବେ ନାମିତ ହୋଇଥିଲ ।ା ୧୯୫୬ରେ ‘ଅଲ ଇଣ୍ଡିଆ ରେଡିଓ’ ପୁନଃ ନାମିତ ହୋଇଥିଲା ‘ଆକାଶବାଣୀ’ ରେ । ‘ଆକାଶବାଣୀ’ ଆଜି ସାରା ବିଶ୍ୱରେ ଏକ ପ୍ରମୁଖ ପ୍ରସାରର ସଂସ୍ଥା । ଏହା ଅଧୀନରେ ଚାରି ଶହ ଚଉଦଟି ପ୍ରସାରଣ କେନ୍ଦ୍ର ରହିଛି । ସାରା ଦେଶର ୯୨ ଶତାଂଶ ଅଞ୍ଚଳରେ ରେଡିଓ ପ୍ରସାରଣ ଉପଲବ୍ଧ ଏବଂ ମୋଟ ଜନସଂଖ୍ୟୃାର ୯୯,୧୯ ଶତାଂଶ ବ୍ୟକ୍ତି ରେଡିଓକୁ ଶୁଣିପାରୁଛନ୍ତି । ଆକାଶବାଣୀର ବିଭିନ୍ନ କାର୍ଯ୍ୟକ୍ରମ ତେଇଶ ଭାଷା ଓ ଏକ ଶହ ଛୟାଳିଶ ଉପଭାଷାରେ ପ୍ରସାରିତ ହେଉଛି । ଗଣ ଯୋଗାଯୋଗ ବ୍ୟବସ୍ଥାରେ ‘ଆକାଶବାଣୀ’ ଆଜି ଏକ ବଳିଷ୍ଠ ମାଧ୍ୟମ ଭାବେ ପରିଗଣିତ ହେଉଛି
