ଜାଣନ୍ତୁ ପିଙ୍କ ବଲର କିପରି ହେଲା ଜନ୍ମ
ଜାଣନ୍ତୁ ପିଙ୍କ ବଲର କିପରି ହେଲା ଜନ୍ମ
admin
5342
- ଦିବାରାତ୍ର ଟେଷ୍ଟ ମ୍ୟାଚ ପିଙ୍କ ବଲ (ଗୋଲାପୀ ବଲ) ରେ ଖେଳାଯାଏ ।
- ପ୍ରଥମ ଥର ପାଇଁ ୨୦୦୯ ମସିହାରେ ଇଂଲଣ୍ଡ ଅଷ୍ଟ୍ରେଲିଆ ମହିଳା ଦିନିକିଆ ମ୍ୟାଚରେ ପିଙ୍କ ବଲ ପରୀକ୍ଷଣ ହୋଇଥିଲା ।
- ୨୦୧୦ ଜାନୁଆରୀରେ ଆଣ୍ଟିଗୁଆରେ ପ୍ରଥମ ଥର ପାଇଁ ଏକ ପ୍ରଥମ ଶ୍ରେଣୀ ମ୍ୟାଚ ଗାଏନା ଓ ତ୍ରିନିଦାଦ-ଟବାଗୋ ମଧ୍ୟରେ ପିଙ୍କ ବଲ ଖେଳାଯାଇଥିଲା ।
- ଏହା ପରଠାରୁ ଅନ୍ୟ ଦେଶ କ୍ରମେ ପିଙ୍କ ବଲ ପରୀକ୍ଷଣ ଆରମ୍ଭ କରିଥିଲେ ।
- ଭାରତରେ ଦିବାରାତ୍ର କି୍ରକେଟ ଫର୍ମାଟ ୧୯୯୭ ପ୍ରାରମ୍ଭରେ ଖେଳାଯାଇଥିଲା । ସେହିବର୍ଷ ମୁମ୍ବାଇ ଓ ଦିଲ୍ଲୀ ମଧ୍ୟରେ ରଣଜୀ ଟ୍ରଫି ଫାଇନାଲ ମ୍ୟାଚ ଗ୍ୱାଲିୟରରେ ଫ୍ଲଡଲାଇଟ ଓ ଧଳାବେଲରେ ଖେଳାଯାଇଥିଲା । ଭାରତ କିନ୍ତୁ ଦିବାରାତ୍ର ଟେଷ୍ଟ ବହୁ ବିଳମ୍ବରେ ୨୦୧୯ ରେ ବାଂଲାଦେଶ ବିପକ୍ଷରେ ଇଡେନ ଗାର୍ଡେନ୍ସରେ ଖେଳିଥିଲା । ନବମ ଦେଶ ଭାବେ ଭାରତ ଏହାକୁ ଗ୍ରହଣ କରିଥିଲା । ୨୦୧୮-୧୯ ଅଷ୍ଟ୍ରେଲିଆ ଗସ୍ତରେ ଭାରତ ଆଡିଲେଡରେ ପିଙ୍କ ବଲ ଟେଷ୍ଟ ଖେଳିବାକୁ ଭାରତ ମନା କରି ଦେଇଥିଲା ।
- ସର୍ବପ୍ରଥମ ଦିବାରାତ୍ର ଟେଷ୍ଟ ଅଷ୍ଟ୍ରେଲିଆ ଓ ନୁ୍ୟଜିଲାଣ୍ଡ ମଧ୍ୟରେ ୨୦୧୫ ନଭେମ୍ବର ମାସରେ ଖେଳାଯାଇଥିଲା । ତୃତୀୟ ଦିବସରେ ଅଷ୍ଟ୍ରେଲିଆ ବିଜୟୀ ହୋଇଥିଲା ।
- ଫ୍ଲଡଲାଇଟରେ ଲାଲ ବଲକୁ ନଜର ପକାଇ କଷ୍ଟକର ଥିବାରୁ ଦିବାରାତ୍ରରେ ଗୋଲାପୀ ବଲ ବ୍ୟବହାର କରାଯାଉଛି । ଧଳାବଲର ସ୍ଥାୟିତ୍ୱ କମ ଥିବାରୁ ଟେଷ୍ଟ କି୍ରକେଟରେ ବ୍ୟବହାର କରାଯାଇନଥାଏ ।
- ସମସ୍ତ କି୍ରକେଟ ବଲ (ଲାଲ, ଧଳା, ଗୋଲାପି) ସମାନ । ପିଙ୍କ ବଲ ଚମଡ଼ାରେ କେବଳ ଏକ ଗୋଲାପି ରଙ୍ଗ ଆସ୍ତରଣର ଲେପ ଦିଆଯାଇଥାଏ ।
- ମ୍ୟାଚର ପ୍ରଥମ ଭାଗରେ ଗୋଲାପି ବଲ ଅଧିକ ସୁଇଙ୍ଗ କରିଥାଏ ।
- କୁକାବୁରା ପିଙ୍କ ବଲରେ ସିମ୍ କଳା ରଙ୍ଗର । ପ୍ରଥମେ କୁକାବୁରା ଗାଢ଼ ସବୁଜ ଓ ଧଳା ସିମ ରଖୁଥିଲା । ୨୦୧୬ ରେ ଏହାକୁ କଳା ସିମକୁ ପରିବର୍ତ୍ତନ କରିଥିଲା । ପ୍ରଥମ ପିଙ୍କ ବଲ ଟେଷ୍ଟରେ ଖେଳିଥିବା ଷ୍ଟିଭେନ ସ୍ମିଥ କୁହନ୍ତି ‘କଳା ସିମ ଭଲ ଦୃଶ୍ୟମାନ ହୁଏ’ ।
- ଲାଲ ବଲ ତୁଳନାରେ ଗୋଲାପୀ ବଲରେ ଏକ ଅତିରିକ୍ତ ଆସ୍ତରଣ ଦିଆଯାଉଥିବାରୁ ଏହାର ରଙ୍ଗ ଓ ଉଜ୍ଜ୍ୱଳତା ଲମ୍ବା ସମୟ ରହିଥାଏ ।
