ଚୀନ ସେନାକୁ ଯୁଦ୍ଧ ପ୍ରସ୍ତୁତ ଲାଗି ରାଷ୍ଟ୍ରପତି ଜିନପିଙ୍ଗଙ୍କ ନିଦେ୍ର୍ଧଶ
ଚୀନ ସେନାକୁ ଯୁଦ୍ଧ ପ୍ରସ୍ତୁତ ଲାଗି ରାଷ୍ଟ୍ରପତି ଜିନପିଙ୍ଗଙ୍କ ନିଦେ୍ର୍ଧଶ
admin
5742
ବେଜିଂ: ଲଦାଖର ବାସ୍ତବ ନିୟନ୍ତ୍ରଣ ରେଖା (ଏଲଓସି) ରେ ଚୀନ ସହିତ ଲାଗି ରହିଥିବା ବିବାଦ ସମାଧାନ ହୋଇପାରୁନାହିଁ । ବିବାଦର ସମାଧାନ ପାଇଁ ଦୁଇ ଦେଶ ମଧ୍ୟରେ ୯ ଥର ସେନା କମାଣ୍ଡସ୍ତରୀୟ ବୈଠକ ହୋଇଥିଲେ ମଧ୍ୟ ସଫଳ ହୋଇପାରିନାହିଁ । ଦୁଇ ଦେଶ ଏଲଏସିରୁ ସୈନ୍ୟ ପ୍ରତ୍ୟାହାର ପାଇଁ ରାଜି ନଥିବା ବେଳେ ଏବେ ଚୀନ ରାଷ୍ଟ୍ରପତି ସି ଜିନପିଙ୍ଗ ନିଜର ପିପୁଲ୍ସ ଲିବରେସନ ଆର୍ମି (ପିଏଲଏ) କୁ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ନିଦେ୍ର୍ଧଶ ଦେଇଛନ୍ତି । ଆଗକୁ ଚୀନର ନୂଆ ବର୍ଷ ଥିବା ବେଳେ ଜିନପିଙ୍ଗ ପିଏଲଏ ବାୟୁସେନା ୟୁନିଟ ଗସ୍ତ କରିଥିଲେ । ଏହି ସମୟରେ ଅଭିଭାଷଣ ଦେଇ ସମଗ୍ର ସୈନ୍ୟବାହିନୀକୁ ଜାତୀୟ ସୁରକ୍ଷା ତଥା ଲୋକଙ୍କ ସୁଖ ଓ ଶାନ୍ତି ରକ୍ଷା କରିବା ପାଇଁ ଯୁଦ୍ଧ ପ୍ରସ୍ତୁତିକୁ ଦୃଢ଼ କରିବାକୁ କହିଥିଲେ । ରାଷ୍ଟ୍ରପତିଙ୍କ ଏଭଳି ବିବୃତ୍ତି ଆଗକୁ ପରିସ୍ଥିତି ଗମ୍ଭୀର ହୋଇପାରେ ବୋଲି ଦର୍ଶାଉଛି । ତେବେ ଏହା ପ୍ରଥମ ନୁହେଁ, ଗତ ବର୍ଷ ଅକ୍ଟୋବର ୧୪ ରେ ମଧ୍ୟ ରାଷ୍ଟ୍ରପତି ଜିନପିଙ୍ଗ ଯୁଦ୍ଧ ପାଇଁ ପ୍ରସ୍ତୁତ ରହିବାକୁ ନିଜ ସେନାକୁ ନିଦେ୍ର୍ଧଶ ଦେଇଥିଲେ । ଅନ୍ୟପଟେ ସାମରିକ କଥାାବର୍ତ୍ତା ବିଫଳ ହେବା ପରେ ଚୀନ ସହିତ କୂଟନୈତିକ କଥାବାର୍ତ୍ତା କରିବାର ଜରୁରୀ ଆବଶ୍ୟକ ଥିବା ପ୍ରତିରକ୍ଷା ମନ୍ତ୍ରୀ କହିଥିଲେ । ସାମରିକ କଥାବାର୍ତ୍ତା ସତ୍ତ୍ୱେ ଚୀନ ସେନା ସୀମାରେ ନିଜର ଶକ୍ତି ବୃଦ୍ଧି କରିବା ସହିତ ଭିତ୍ତିଭୂମି ନିର୍ମାଣ ଜାରି ରଖିଛି ।
