ଚନ୍ଦ୍ରବାବୁ, ମମତା ଓ ମାୟା ପ୍ରଧାନମନ୍ତ୍ରୀ ପ୍ରାର୍ଥୀ
ଚନ୍ଦ୍ରବାବୁ, ମମତା ଓ ମାୟା ପ୍ରଧାନମନ୍ତ୍ରୀ ପ୍ରାର୍ଥୀ
admin
1731
ନୂଆଦିଲ୍ଲୀ : ନିର୍ବାଚନରେ ବିଜେପି ନେତୃତ୍ୱାଧୀନ ଏନଡ଼ିଏ ସଂଖ୍ୟା ଗରିଷ୍ଠତା ହାସଲ କରିନପାରିଲେ ଅନ୍ୟ ଦଳମାନେ ମିଶି ସରକାର ଗଠନ କରିବାକୁ ଚାହିଁବେ । ଏକ୍ଷେତ୍ରରେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ତଥା ଟିଡ଼ିପି ମୁଖ୍ୟ ଚନ୍ଦ୍ରବାବୁ ନାଇଡ଼ୁ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ନେତ୍ରୀ ମମତା ବାନାର୍ଜୀ ଓ ଉତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବିଏସପି ନେତ୍ରୀ ମାୟାବତୀ ପ୍ରଧାନମନ୍ତ୍ରୀ ପ୍ରାର୍ଥୀ ହୋଇପାରିବେ ବୋଲି ଏନସିପି ମୁଖ୍ୟ ଶରଦ ପାୱାର କହିଛନ୍ତି । ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତିଯେ, ପ୍ରଧାନମନ୍ତ୍ରୀ ହେବା ପୂର୍ବରୁ ମୋଦି ଗୁଜୁରାଟର ମୁଖ୍ୟମନ୍ତ୍ରୀ ଥିଲେ । ତାଙ୍କ ମତରେ ଏନଡ଼ିଏ ସଂଖ୍ୟା ଗରିଷ୍ଠତା ହାସଲ କରିବାର ସମ୍ଭାବନା କ୍ଷୀଣ । ଏଭଳି ସ୍ଥିତିରେ ଚନ୍ଦ୍ରବାବୁ, ଦିଦି ଓ ମାୟା ଉପଯୁକ୍ତ ବିକଳ୍ପ ପ୍ରଧାନମନ୍ତ୍ରୀ ପ୍ରାର୍ଥୀ ହୋଇପାରିବେ । ପାୱାରଙ୍କ ମତରେ ଏନଡ଼ିଏ ପୂର୍ବଥର ଅପେକ୍ଷା ଏଥର ୧୦୦ ଆସନ କମ ପାଇବ । ଏପରିକିି ସଂଖ୍ୟା ଗରିଷ୍ଠତା ମଧ୍ୟ ମିଳିବ ନାହିଁ । କିଛିଦିନ ତଳେ ଚନ୍ଦ୍ରବାବୁ ମୁମ୍ବାଇ ଆସିଥିଲାବେଳେ ପାୱାରଙ୍କୁ ଭେଟିଥିଲେ । ତେବେ କେବଳ ବିଜେପିକୁ ପରାସ୍ତ କରିବା ତାଙ୍କର ଲକ୍ଷ୍ୟ ବୋଲି ଚନ୍ଦ୍ରବାବୁ କହିଛନ୍ତି ।
