ଘରୋଇ ଟ୍ରେନ ଚଳାଇବା ନିଶା, ୧୨ କ୍ଲଷ୍ଟର ପାଇଁ ୧୫ ସଂସ୍ଥାର ୧୨୦ ଆବେଦନ
ଘରୋଇ ଟ୍ରେନ ଚଳାଇବା ନିଶା, ୧୨ କ୍ଲଷ୍ଟର ପାଇଁ ୧୫ ସଂସ୍ଥାର ୧୨୦ ଆବେଦନ
admin
5415
ନୂଆଦିଲ୍ଲୀ: ଯାତ୍ରୀବାହୀ ଟ୍ରେନ ଚଳାଚଳ କ୍ଷେତ୍ରରେ ଘରୋଇ ସଂସ୍ଥାଗୁଡ଼ିକୁ ପ୍ରବେଶ ଅନୁମତି ଦେବା ଲାଗି ଆବେଦନ ଆହ୍ୱାନ କରାଯାଇଥିଲା । ଘରୋଇ ସଂସ୍ଥାଗୁଡ଼ିକ ଏଥିପ୍ରତି ବିଶେଷ ଆଗ୍ରହ ଦେଖାଇଛନ୍ତି । ଦେଶରେ ଚିହ୍ନଟ ହୋଇଥିବା ୧୨ଟି କ୍ଲଷ୍ଟରରେ ଟ୍ରେନ ଚଲାଇବା ଲାଗି ୧୫ଟି କମ୍ପାନୀ ଆବେଦନ କରିଛନ୍ତି । ଏହି କମ୍ପାନୀ ଗୁଡ଼ିକଠାରୁ ମୋଟ ୧୨୦ଟି ଆବେଦନ ପହଞ୍ଚିଛି ।
ରେଳବାଇ ପକ୍ଷରୁ ଆବେଦନ ଗୁଡ଼ିକୁ ଖୋଲାଯାଇଥିଲା । ଘରୋଇ ଟ୍ରେନ ଚଳାଇବା ଲାଗି ଆବେଦନ କରିଥିବା ସଂସ୍ଥା ଗୁଡ଼ିକ ହେଉଛି ମେଘା ଇଞ୍ଜିନିୟରିଂ ଆଣ୍ଡ ଇନଫ୍ରାଷ୍ଟ୍ରକଚର, ସାଇନାଥ ସେଲସ ଆଣ୍ଡ ସର୍ଭିସେସ, ଆଇଆରବି ଇନଫାଷ୍ଟ୍ରକଚର ଡେଭେଲପର୍ସ, ଆଇଆରସିଟିସି, ଜିଏମଆର ହାଇୱେଜ, ୱେଲସ୍ପୁନ ଏଣ୍ଟରପ୍ରାଇଜେସ, ଗେଟୱେ ରେଲ ଫ୍ରେଟ, କୁ୍ୟବ ହାଇୱେଜ ଆଣ୍ଡ ଇନଫାଷ୍ଟ୍ରକଚର ୩, ମାଲେମପାଟି ପାୱାର, ଏଲଆଣ୍ଡଟି ଇନଫ୍ରାଷ୍ଟକଚର ଡେଭେଲପମେଣ୍ଟ ପ୍ରୋଜେକ୍ଟସ, ଆରକେ ଆସୋସିଏଟସ ଆଣ୍ଡ ହୋଟେଲିୟର୍ସ, କନଷ୍ଟ୍ରକସନିକ ଅକଜିଲାର ଡି ଫେରୋକାରିଲେସ, ପିଏନସି ଇନଫ୍ରାଟେକ, ଅରବିନ୍ଦ ଆଭିଏସନ ଓ ଭେଲ । ଚିହ୍ନଟ ହୋଇଥିବା କ୍ଲଷ୍ଟରଗୁଡ଼ିକ ମଧ୍ୟରୁ ମୁମ୍ବାଇ ୨ ଓ ଦିଲ୍ଲୀ-୨ ଲଗି ୧୨ଟି ଲେଖାଏଁ; ବେଙ୍ଗାଲୁରୁ କ୍ଲଷ୍ଟର ପାଇଁ ୧୧ଟି, ଦିଲ୍ଲୀ-୧ ପ୍ରୟାଗରାଜ, ସିକନ୍ଦରାବାଦ ଓ ଜୟପୁର ପାଇଁ ୧୦ଟି ଲେଖାଏଁ ଓ ମୁମ୍ବାଇ ୧, ଚଣ୍ଡିଗଡ଼, ହାୱଡା, ପାଟନା ଓ ଚେନ୍ନାଇ କ୍ଲଷ୍ଟର ପାଇଁ ୯ଟି ଲେଖାଏଁ ଆବେଦନ ପହଞ୍ଚିଛି । ଘରୋଇ କ୍ଷେତ୍ରରେ ପୁଞ୍ଜିନିବେଶ ହାସଲ କରିବା ଲାଗି ଭାରତୀୟ ରେଳବାଇ ଯେଉଁ ସବୁ ପଦକ୍ଷେପ ଗ୍ରହଣ କରିବାକୁ ଯୋଜନା ରଖିଛି ତାହାର ଏକ ଅଂଶ ହେଉଛି ଘରୋଇ ସଂସ୍ଥା ଜରିଆରେ ଯାତ୍ରୀବାହୀ ଟ୍ରେନ ଚଳାଇଚଳ କରାଇବା । ଏହି ପ୍ରକଳ୍ପ ଜରିଆରେ ରେଳବାଇ ୩୦ ହଜାର କୋଟି ଟଙ୍କାର ପୁଞ୍ଜିନିବେଶ ହାସଲ କରିବାକୁ ଲକ୍ଷ୍ୟ ରଖିଛି ।
