ଗୋଟିଏ ପରିବାରର ୫ ଜଣଙ୍କ ଆତ୍ମହତ୍ୟା

Mar 13, 2021 - 10:07 Updated: Mar 13, 2021 - 10:07

4458

ପଟନା: ଆତ୍ମହତ୍ୟା । ଜଣେ କି ଦୁଇ ଜଣ ନୁହେଁ । ଏକାବେଳେ ୫ ଜଣ ସମୂହଭାବେ ଆତ୍ମହତ୍ୟା କରିଛନ୍ତି । ବିହାରର ସୁପୌଲ ଜିଲାରେ ଗୋଟିଏ ପରିବାରର ୫ ସଦସ୍ୟ ଏକା ସମୟରେ ଆତ୍ମହତ୍ୟା କରିଛନ୍ତି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଶୁକ୍ରବାର ବିଳମ୍ବିତ ରାତିରେ ଏହି ଘଟଣା ଘଟିଥିବା ପୁଲିସ କହିଛି। ସୂଚନା ଅନୁସାରେ, ସୁପୌଲ ଜିଲାର ରାଧୋପୁର ଥାନା ଅନ୍ତର୍ଗତ ଗଦ୍ଦୀୱାର୍ଡ-୪ରେ ରହୁଥିବା ଏକ ଦମ୍ପତି, ଦୁଇ ଝିଅ ଏବଂ ଏକ ପୁଅ ଘରେ କବାଟ ଦେଇ ଆତ୍ମହତ୍ୟା କରିଛନ୍ତି। ଶନିବାର ସକାଳେ ସେମାନଙ୍କ ମୃତଦେହକୁ ପୁଲିସ ଝୁଲନ୍ତା ଅବସ୍ଥାରେ ଜବତ କରିଛି। ପୁଲିସ ଘଟଣାର ତଦନ୍ତ ଚଳାଇଥିବାବେଳେ ଆତ୍ମହତ୍ୟାର କାରଣ ଜଣାପଡ଼ି ନାହିଁ। ଫରେନ୍‌ସିକ୍‌ ଟିମ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।