ଗୁଣି ନାଁରେ କୁନି ପିଲାକୁ ନିର୍ଘାତ ମାଡ଼

Nov 13, 2019 - 10:08 Updated: Nov 13, 2019 - 10:08

2292

ଜଳେଶ୍ୱର: ଭୂତ ଛଡ଼ାଇବା ନାମରେ କୁନି ପିଲାକୁ ଗୁଣିଆର ନିର୍ଘାତ ମାଡ଼ । ଆଉ ଏହି ମାଡ଼ରେ ପିଲାଟି ଗୁରୁତର ଆହତ ହୋଇଥିବା ସୂଚନା ମିଳିଛି । ବାଲେଶ୍ୱର ଜିଲ୍ଲା ଜଳେଶ୍ୱର କମର୍ଦ୍ଧା ଥାନା ରାଣୀଗୁଡ଼ା ଗାଁ ରାସ୍ତାରେ ବାଳକକୁ ମାଡ଼ ମରାଯାଇଛି । ପ୍ରକାଶ ଯେ, ମହାଦେବ ଗ୍ରାମରେ ୭/୮ ବର୍ଷ ବାଳକର ଦେହ ଅସୁସ୍ଥ ହେଉଥିଲା । ତେବେ ବାଳକଟି ଦେହରେ ଭୂତ ଲାଗିଥିବା ପରିବାର ଲୋକେ ସନେ୍ଦହ କରି ତାକୁ କମର୍ଦ୍ଧା ଥାନା ରାଣୀଗୁଡ଼ାସ୍ଥ ଗୁଣିଆର ଘର ପାଖକୁ ଆଣିଥିଲେ । ଏହି ସମୟରେ ଭୂତ ଛଡ଼ାଇବା ନାମରେ ୨ ଜଣ ଗୁଣିଆ ପିଲାଟିକୁ ନିର୍ଦ୍ଧୁମ ପିଟିଥିଲେ । ଜଣେ ମହିଳା ଓ ଜଣେ ପୁରୁଷ ଗୁଣିଆ ପିଲାଟିକୁ ପିଟିଥିଲେ । ବାଡ଼ିରେ ପିଟିବା ସହ ପିଲାକୁ ଚପଲ ପାଟିରେ ଧରାଇ ଦେଇଥିଲେ । ତେବେ ପ୍ରବଳ ମାଡ଼ରେ ପିଲାଟି ଏବେ ଗୁରୁତର ହୋଇପଡ଼ିଥିବା ସୂଚନା ମିଳିଛି ।