କୁକୁର ମାରି ଗିରଫ

Nov 18, 2019 - 09:05 Updated: Nov 18, 2019 - 09:05

5928

ଭୁବନେଶ୍ୱର: ରାସ୍ତା କଡ଼ରେ ବୁଲୁଥିଲା କୁକୁର ଛୁଆ । ଆଉ ଜଣେ ଓଲା ଡ୍ରାଇଭର କୁକୁର ଛୁଆ ଉପରେ କାର ଚଢାଇ ଦେଇଥିଲା । ଏଥିରେ ଗୋଟିଏ କି ଦୁଇଟି ନୁହେଁ ଏକାବେଳେ ୪ଟି କୁକୁର ଛୁଆର ଜୀବନ ଯାଇଥିଲା । ଏହା ପରେ ଓଲା ଡ୍ରାଇଭର ବେଫିକର ହୋଇ ପଳାଇଥିଲା । ତେବେ ଏହା ପରେ ଯେଉଁ ଘଟଣା ଘଟିଛି ତାହା ଶୁଣି ଆପଣ ଆଶ୍ଚର୍ଯ୍ୟ ହେବେ ନିଶ୍ଚିତ । କାରଣ କୁକୁର ଛୁଆକୁ ମାରିଥିବା ସମ୍ପୃକ୍ତ ଓଲା କାର ଚାଳକକୁ ଗିରଫ କରାଯାଇଛି । ପ୍ରକାଶ ଯେ, ଗତକାଲି ଭୁବନେଶ୍ୱରସ୍ଥ ଶୈଳଶ୍ରୀବିହାର ଅଞ୍ଚଳର ରାସ୍ତା କଡ଼ରେ ୪ଟି କୁକୁର ଛୁଆ ବୁଲୁଥିବାବେଳେ ଓଲା କାର ଚାଳକ ତଥା କାହ୍ନୁଚରଣ ଗିରି ସେମାନଙ୍କ ଉପରେ କାରଟିକୁ ମଡ଼ାଇ ଦେଇଥିଲା । ଆଉ ଘଟଣାସ୍ଥଳରେ ୪ଟି କୁକୁର ଛୁଆର ମୃତୁ୍ୟ ହୋଇଥିଲା । ଏନେଇ ପିପୁଲ ଫର ଆନିମଲ ପକ୍ଷରୁ ଏତଲା ଦିଆଯିବା ପରେ ଚନ୍ଦ୍ରଶେଖର ପୁଲିସ କାହ୍ନୁଚରଣ ଗିରିକୁ ପୁଲିସ ଗିରଫ କରିଛି ।