ଗଛ ପାଇଁ ମିଳିବ ଅଢେ଼ଇ ହଜାର ଟଙ୍କାର ପେନସନ

Sep 22, 2021 - 11:04 Updated: Sep 22, 2021 - 11:04

4480

ଚଣ୍ଡୀଗଡ଼ : ଗଛ ପାଇଁ ମିଳିବ ପେନସନ । ୭୫ ବର୍ଷର ଉଦ୍ଧ୍ୱର୍ ବୟସର ଗଛକୁ ସରକାର ଦେବେ ପେନସନ । ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କ ଏଭଳି ଘୋଷଣା ଏବେ ଚର୍ଚ୍ଚା ସୃଷ୍ଟି କରିଛି ।

ଏଥିପାଇଁ ସେ ଏକ ଯୋଜନା କରିଛନ୍ତି । ଯୋଜନାର ନାମ ରହିଛି ପ୍ରାଣବାୟୂ ଦେବତା ପେନସନ ଯୋଜନା । ଯେଉଁ ଯୋଜନାରେ ୭୫ ବର୍ଷରୁ ଉଦ୍ଧ୍ୱର୍ ବୟସର ଗଛକୁ ବାର୍ଷିକ ଅଢେ଼ଇ ହଜାର ଟଙ୍କାର ପେନସନ ମିଳିବ । ସାରା ରାଜ୍ୟରେ ଏଭଳି ଗଛକୁ ଠାବ କରାଯିବ । ସ୍ଥାନୀୟ ଲୋକମାନେ ଗଛର ଯତ୍ନ ନେବେ । ବିଶ୍ୱ କାର ମୁକ୍ତ ଦିବସ ଅବସରରେ ସେ ଏହି ଘୋଷଣା କରିଛନ୍ତି । ନିଜେ ମୁଖ୍ୟମନ୍ତ୍ରୀ ଓ ତାଙ୍କର ସହଯୋଗୀ ବିଧାୟକମାନେ ସାଇକେଲରେ ନିଜ ବାସଭବନରୁ ସଚିବାଳୟ ଯାଇଥିଲେ । ସେହିପରି ଖୁବଶୀଘ୍ର ହରିୟାଣା ସରକାର ବୈଦ୍ୟୁତିକ ଗାଡ଼ି ନୀତି ଆଣିବାକୁ ଯାଉଛନ୍ତି । ଯେଉଁଥିରେ ବୈଦ୍ୟୁତିକ ଗାଡ଼ି କିଣିଲେ ସ୍ୱତନ୍ତ୍ର ସବସିଡ଼ର ବ୍ୟବସ୍ଥା କରାଯିବ ।