କେନ୍ଦ୍ରମନ୍ତ୍ରୀଙ୍କ ଗାଡ଼ି ଧକ୍କାରେ ନାବାଳକ ଆହତ
କେନ୍ଦ୍ରମନ୍ତ୍ରୀଙ୍କ ଗାଡ଼ି ଧକ୍କାରେ ନାବାଳକ ଆହତ
admin
4183
ବାଲେଶ୍ୱର : କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀଙ୍କ ଗାଡ଼ିରେ ଧକ୍କା ଲାଗି ଜଣେ ନାବାଳକ ଆହତ ହୋଇଛନ୍ତି । ଆହତ ନାବାଳକ ଜଣକ ବାଲେଶ୍ୱର ଜିଲ୍ଲା ରେମୁଣା ବ୍ଲକ ଅନ୍ତର୍ଗତ କଲ୍ୟାଣପୁର ପଞ୍ଚାୟତ ମାକନ୍ଦା ଗ୍ରାମର ଶରତ ମଙ୍ଗଳଙ୍କ ପୁଅ । ବୁଧବାର ସନ୍ଧ୍ୟାରେ କେନ୍ଦ୍ରମନ୍ତ୍ରୀ ଶ୍ରୀ ଷଡଙ୍ଗୀ ଉକ୍ତ ଗାଁରୁ ଫେରୁଥିବା ବେଳେ ବାଟରେ ଏହି ଦୁର୍ଘଟଣା ଘଟିଥିଲା । ତେବେ ମନ୍ତ୍ରୀ ନିଜେ ଆହତ ନାବାଳକଙ୍କୁ ଗାଡ଼ିରେ ବସାଇ ଜିଲ୍ଲା ଡାକ୍ତରଖାନାକୁ ଆଣିଥିଲେ । ଅଣ୍ଟାରେ ଯନ୍ତ୍ରଣା ହେଉଥିବା ସେ କହୁଥିବା ବେଳେ ତାଙ୍କର ଚିକିତ୍ସା କରାଇବାକୁ ମନ୍ତ୍ରୀ ନିଜ କର୍ମୀଙ୍କୁ ଦାୟିତ୍ୱ ଦେଇ ନିଜ କାମରେ ଯାଇଥିଲେ । ନାବାଳକଙ୍କ ମାଆଙ୍କ ଅଭିଯୋଗ ଅନୁସାରେ ତାଙ୍କ ପୁଅ ରାସ୍ତାକଡ଼ରେ ଠିଆ ହୋଇଥିବା ବେଳେ ମନ୍ତ୍ରୀଙ୍କ ଗାଡ଼ି ଧକ୍କା ଲାଗିଥିଲା । ଯେଉଁଥିରେ ତାଙ୍କ ପୁଅ ଆହତ ହୋଇଥିବା ବେଳେ ସାଇକଲ ଭାଙ୍ଗି ଯାଇଛି । ସେପଟେ ମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଏଭଳି ଅଭିଯୋଗକୁ ଖଣ୍ଡନ କରାଯାଇଛି । ଯେହେତୁ ଦୁର୍ଘଟଣା ଘଟିଥିବା ସ୍ଥାନରେ ରାସ୍ତା ବଙ୍କା ଥିଲା । ମନ୍ତ୍ରୀଙ୍କ ଗାଡ଼ି ଡ୍ରାଇଭର ନାବାଳକଙ୍କୁ ଦେଖିପାରିନଥିଲେ ।
