କରୋନା ମହାମାରୀ ଯୋଗୁ ୧୩ ଲକ୍ଷ କୋଟିର ପାରିବାରିକ ଆୟ କ୍ଷତି
କରୋନା ମହାମାରୀ ଯୋଗୁ ୧୩ ଲକ୍ଷ କୋଟିର ପାରିବାରିକ ଆୟ କ୍ଷତି
admin
4688
ନୂଆଦିଲ୍ଲୀ: କରୋନା ମହାମାରୀ ଯୋଗୁ ଦେଶରେ ପାରିବାରିକ ଆୟ ବହୁ ମାତ୍ରାରେ ସଂକୁଚିତ ହୋଇଛି । ବହୁତ ସଂଖ୍ୟାରେ ଲୋକ ଚାକିରି ହରାଇଛନ୍ତି । ମୋଟାମୋଟି ଭାବେ ମହାମାରୀ ୧୩ ଲକ୍ଷ କୋଟିର ପାରିବାରିକ ଆୟକୁ ଖାଇଯାଇଛି । ତାନଭି ଗୁପ୍ତା ଜୈନଙ୍କ ନେତୃତ୍ୱରେ ୟୁବିଏସ ସିକୁ୍ୟରିଟିଜ ଇଣ୍ଡିଆର ଅର୍ଥନୀତିଜ୍ଞମାନଙ୍କୁ ନେଇ ପ୍ରସ୍ତୁତ ଏକ ରିପୋର୍ଟରୁ ଏହା ଜଣାପଡ଼ିଛି । ରିପୋର୍ଟରେ ଆହୁରି ଆଶଙ୍କା ପ୍ରକାଶ ପାଇଛି ଯେ, ୨୦୨୧ ମଧ୍ୟଭାଗରେ ଅର୍ଥନୀତିରେ ଚାହିଦା ହ୍ରାସ ଦେଥଦେଇପାରେ । ଇତି ମଧ୍ୟରେ ଚାହିଦାରେ ସୁଧାର ଆସୁଥିବା ବେଳେ ବର୍ଷ ମଧ୍ୟଭାଗରେ ଏଥିରେ ପତନ ଘଟିପାରେ । କରୋନା ମହାମାରୀ ଯୋଗୁଁ ପାରିବାରିକ ଆୟ ପ୍ରାୟ ୧୩ ଲକ୍ଷ କୋଟି ଟଙ୍କା ସଙ୍କୁଚିତ ହୋଇଛି । ଫଳରେ ବ୍ୟକ୍ତିଗତ ବ୍ୟୟ ହ୍ରାସ ପାଇବ । ଅର୍ଥନୀତି ପ୍ରଭାବିତ ହୋଇପାରେ । ସୂଚନା ଯୋଗ୍ୟ, ଚଳିତ ଆର୍ଥିକ ବର୍ଷରେ ତୃତୀୟ ତ୍ରୟ ମାସରେ ଦେଶର ଜିଡିପି ୦.୪% ବୃଦ୍ଧି ପାଇଛି । ଦ୍ୱିତୀୟ ତ୍ରୟମାସରେ ଏହା ୭.୫% ସଙ୍କୁଚିତ ହୋଇଥିଲା । ପ୍ରଥମ ତ୍ରୟମାସରେ ଏହା ୨୩.୯% କୁ ଖସିଥିଲା ।
