କରୋନା ଭାଇରସ୍ ଆତଙ୍କ:ମୃତୁ୍ୟ ସଂଖ୍ୟା ୧୮୬୮ରେ ପହଂଚିଲା ।
କରୋନା ଭାଇରସ୍ ଆତଙ୍କ:ମୃତୁ୍ୟ ସଂଖ୍ୟା ୧୮୬୮ରେ ପହଂଚିଲା ।
admin
5716
ଚୀନରୁ ବ୍ୟାପିଥିବା କରୋନା ଭାଇରସରେ ମୃତକଙ୍କ ସଂଖ୍ୟା ୧୮୬୮ରେ ପହଞ୍ଚିଛି । ସ୍ଥିତି ଦିନକୁ ଦିନ ଆହୁରି ବପଦ ଆଡ଼କୁ ଗତି କରୁଛି । ହୁବେଇ ସ୍ୱାସ୍ଥ୍ୟ କମିଶନ କହିଛନ୍ତି, ରାଜ୍ୟରେ ସୋମବାର ୯୩ ଜଣଙ୍କର ମୃତ୍ୟୁ ହୋଇଥବା ବେଳେ ୧୮୦୩ ଜଣ ନୂଆଁ ଲୋକଙ୍କ ଠାରେ ସଂକ୍ରମଣ ଦେଖାଯାଇଛି । ସହରର ସମସ୍ତ ସଡ଼କକୁ ବନ୍ଦ କରି ଦିଆଯାଇଛି । ସେହଭଳି ବେସରକାରୀ ଯାନବାହାନ ଚଳାଚଳ ଉପରେ କଟକଣା ଲଗାଯାଇଛି । କରୋନା ଭାଇରସର କେନ୍ଦ୍ରସ୍ଥଳ ପାଲଟିଥିବା ହୁବେଇ ରାଜ୍ୟରେ ଏହି ସଂକ୍ରମଣରେ ଅଧିକ ଲୋକଙ୍କର ମୃତ୍ୟୁ ହୋଇଥିବା ବେଳେ ଏଥିରୁ ସୋମବାର କେବଳ ୯୩ ଜଣ ଜୀବନ ହରାଇଛନ୍ତି । ଚୀନ ସରକାର କହିଛନ୍ତି, କରୋନା ଭାଇରସ ଯୋଗୁଁ ମୋଟ ୭୨ ହଜାର ୪୩୬ ଜଣ ସଂକ୍ରମଣର ଶିକାର ହୋଇଛନ୍ତି ।
ଚୀନରୁ ଫେରିଥିବା ଭାରତୀୟମାନେ କରୋନା ଭାଇରସର ସଂସ୍ପର୍ଶରେ ଆସିନଥିବା ଭାରତ ସରକାର ରବିବାର ସୂଚନା ଦେଇଛନ୍ତି । ସ୍ୱାସ୍ଥ୍ୟ ମନ୍ତ୍ରାଳୟ ତରଫରୁ ଜାରି କରାଯାଇଥିବା ବୟାନ ଅନୁସାରେ ୪୦୬ ଜଣ ଭାରତୀୟଙ୍କ ରକ୍ତ ନମୁନାରେ ନେଗେଟିଭ ରିପୋର୍ଟ ଆସିଛି । ଉହାନ ସହରରୁ ଭାରତ ସରକାରଙ୍କ ଦ୍ୱାର ବିମାନରେ ଆସିଥିବା ଏହି ଲୋକମାନଙ୍କୁ ଆଇଟିବିପିର ଏକ ଶିବିରରେ ରଖାଯାଇଥିଲା । ପ୍ରାୟ ୧୫ ଦିନ ଯାଏଁ ଏମାନଙ୍କୁ ଅବଜରଭେସନରେ ରଖାଯିବା ପରେ ସମସ୍ତ ୪୦୬ ଜଣ ଭାରତୀୟ କରୋନା ଭାଇରସ ମୁକ୍ତ ଅଛନ୍ତି । ବିଶ୍ୱର ପ୍ରାୟ ୨୯ଟି ଦେଶ ସୁନିଶ୍ଚିତ କରିଛନ୍ତି ଯେ, ବର୍ତ୍ତମାନ ସମୟରେ ସେମାନେ ଚୀନ ସହିତ ବାଣିଜ୍ୟିକ ଓ ଅନ୍ୟାନ୍ୟ ଯାତ୍ରା ସଂପର୍କ ରଖିବେ ନାହିଁ । ଚୀନରେ ସୃଷ୍ଟି ହୋଇଥିବା କରୋନା ଭାଇରସ ଅନ୍ୟ ଦେଶକୁ ମଧ୍ୟ ବ୍ୟାପିବାର ସମ୍ଭାବନା ରହିଥିବାରୁ କିଛି ଦେଶ ଚୀନକୁ ଯିବା ସଂପୂର୍ଣ୍ଣ ଭାବେ କଟକଣା ଲଗାଇ ଦେଇଛନ୍ତି ।
