ଜେପି ନଡ୍ଡା ବିଜେପି କାର୍ଯ୍ୟକାରୀ ସଭାପତି
ଜେପି ନଡ୍ଡା ବିଜେପି କାର୍ଯ୍ୟକାରୀ ସଭାପତି
admin
2734
ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ ନେତା ଜେପି ନଡ୍ଡା ବିଜେପି ରାଷ୍ଟ୍ରୀୟ କାର୍ଯ୍ୟକାରୀ ସଭାପତି ନିଯୁକ୍ତ ହୋଇଛନ୍ତି । ଗୃହ ମନ୍ତ୍ରୀ ତଥା ଦଳର ଅଧ୍ୟକ୍ଷ ଅମିତ ଶାହାଙ୍କ ଅଧୀନରେ ସେ ବର୍ତମାନ କାର୍ଯ୍ୟ କରିବେ । ଆସନ୍ତା ୬ ମାସ ପର୍ଯ୍ୟନ୍ତ ସେ ଦଳର ଦୈନନ୍ଦିନ କାର୍ଯ୍ୟ ପରିଚାଳନା କରିବେ ବୋଲି ବିଜେପି ପକ୍ଷରୁ କୁହାଯାଇଛି ।
ବିଜେପି ସଂସଦୀୟ ବୋର୍ଡ ବୈଠକ ପରେ ଦଳର ବରିଷ୍ଠ ନେତା ତଥା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ, ଶାହାଙ୍କ ନେତୃତ୍ୱରେ ଦଳ ଅନେକ ରାଜ୍ୟରେ କ୍ଷମତା ଦଖଲ କରିବାରେ ସକ୍ଷମ ହୋଇଛି । ପ୍ରଧାନମନ୍ତ୍ରୀ ତାଙ୍କୁ ମନ୍ତ୍ରୀ ମଣ୍ଡଳରେ ସାମିଲ କରିଥିବାରୁ ଶାହା ବର୍ତମାନ ମନ୍ତ୍ରଣାଳୟ ଉପରେ ଅଧିକ ଫୋକସ କରିବେ ବୋଲି କହିବା ସହ ଅନ୍ୟ କାହାକୁ ଦଳର ଦାୟିତ୍ୱ ଦେବାକୁ ଚାହୁଁଥିଲେ । ତେଣୁ ନଡ୍ଡାଙ୍କ ଉପରେ ଦଳର ଦୈନନ୍ଦିତ କାର୍ଯ୍ୟ ପରିଚାଳନା ଦାୟିତ୍ୱ ଦିଆଯାଇଛି । ତେବେ ଶାହା ବର୍ତମାନ ପାଇଁ ଦଳର ଅଧ୍ୟକ୍ଷ ରହିବେ ବୋଲି ରାଜନାଥ ସ୍ପଷ୍ଟ କରିଦେଇଛନ୍ତି । ଚଳିତ ବର୍ଷ ଶେଷ ବେଳକୁ ମହାରାଷ୍ଟ୍ର, ହରିଆନା ଓ ଛାଡଖଣ୍ଡ ବିଧାନସଭା ନିର୍ବାଚନ ଅନୁଷ୍ଠିତ ହେବ । ସେହି ସମୟ ପର୍ଯ୍ୟନ୍ତ ଶାହା ଅଧ୍ୟକ୍ଷ ରହି ଏହି ନିର୍ବାଚନ ପାଇଁ ବିଜେପିର ରଣନୀତି ପ୍ରସ୍ତୁତ କରିବେ ବୋଲି କୁହାଯାଉଛି ।
