ବିଜେପି ଅଡୁଆ ବଢାଇ ଦେଉଛି : ସନ୍ନି
ବିଜେପି ଅଡୁଆ ବଢାଇ ଦେଉଛି : ସନ୍ନି
admin
4240
ନୂଆଦିଲ୍ଲୀ: ଅଭିନେତାରୁ ରାଜନେତା ପାଲଟିଥିବା ସନ୍ନି ଦେଓଲ ପଞ୍ଜାବର ଗୁରୁଦାସପୁର ଆସନରୁ ବିଜେପି ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି । କଂଗ୍ରେସ ପ୍ରାର୍ଥୀ ସୁନିଲ ଜାଖରଙ୍କ ବିରୋଧରେ ସେ ନିର୍ବାଚନ ଲଢୁଛନ୍ତି । ତେବେ ଗୁରୁଦାସପୁରରେ ନିର୍ବାଚନ ପ୍ରଚାର ସମୟରେ ସନ୍ନି ଯେଭଳି ବୟାନ ଦେଉଛନ୍ତି ତାହା ବିଜେପି ଅଡୁଆ ବଢାଇ ଦେଉଛି ।
ସନ୍ନି ସ୍ୱୀକାର କରିଛନ୍ତି ଯେ ସେ ରାଜନୀତି ବିଷୟରେ କିଛି ଜାଣନ୍ତିନି । କିନ୍ତୁ ନିଜକୁ ଜଣେ ଦେଶଭକ୍ତ କହି ସେ ଦେଶପାଇଁ କାମ କରିବେ ବୋଲି କହିଛନ୍ତି । ଅନ୍ୟପକ୍ଷେ ସନ୍ନିଙ୍କ ବାପା ଧର୍ମେନ୍ଦ୍ର ଗତ ଦୁଇ ଦିନ ତଳେ କହିଥିଲେ ସେ ସନ୍ନିଙ୍କ ବିରୋଧରେ ଯଦି ସୁନିଲ ଜାଖର ନିର୍ବାଚନ ଲଢୁଥିବା କଥା ପୂର୍ବରୁ ଜାଣିଥାନ୍ତେ ତେବେ ସେ ପୁଅକୁ କେବେ ବି ନିର୍ବାଚନ ଲଢିବାପାଇଁ ଅନୁମତି ଦେଇଥାନ୍ତେ । ତେବେ ବାପ- ପୁଅଙ୍କ ଏହି କଥା ବିଜେପି ପାଇଁ ଅଢୁଆ ସୃଷ୍ଟି କରିଛି । ଭୋଟରଙ୍କ ଉପରେ ଏହା ପ୍ରଭାବ ପକାଇବ ବୋଲି କୁହାଯାଉଛି । ରାଜନୀତି ବିଷୟରେ କିଛି ଜାଣିନଥିବା ସନ୍ନିଙ୍କୁ ବିଜେପି କିଭଳି ସାଂସଦ ପ୍ରାର୍ଥୀ କଲା ସେ ନେଇ ମଧ୍ୟ ଏବେ ପ୍ରଶ୍ନ ଉଠିଛି ।
