ମହାଲକ୍ଷ୍ମୀ ଏକ୍ସପ୍ରେସରେ ଫଶିଛନ୍ତି ୭୦୦ ଯାତ୍ରୀ
ମହାଲକ୍ଷ୍ମୀ ଏକ୍ସପ୍ରେସରେ ଫଶିଛନ୍ତି ୭୦୦ ଯାତ୍ରୀ
admin
3084
ମହାରାଷ୍ଟ୍ର: ମହାରାଷ୍ଟ୍ରରେ ଲଗାଣ ବର୍ଷା ଜାରି ରହିଛି । ଏହା ଦ୍ୱାରା ଯାତାୟାତ କ୍ଷେତ୍ରରେ ପ୍ରଭାବ ପଡ଼ିଛି । ଏପରିକି ଟ୍ରେନ ଲାଇନ ବି ବର୍ଷା ପାଣିରେ ବୁଡ଼ି ରହିଛି । ଫଳରେ ମହାଲକ୍ଷ୍ମୀ ଏକ୍ସପ୍ରେସ ଅଟକି ରହିଛି । ବଦଲାପୁର ୱାନଗାନି ଷ୍ଟେସନ ମଧ୍ୟରେ ଟ୍ରେନ ଅଟକି ରହିଛି । ଟ୍ରେନ ଭିତରେ ପ୍ରାୟ ୭୦୦ ଯାତ୍ରୀ ଫସି ରହିଥିବା ଜଣାଯାଇଛି । ତେବେ ଟ୍ରେନ ଭିତରୁ ବାହାରକୁ ନଆସିବା ପାଇଁ ଯାତ୍ରୀମାନଙ୍କୁ ପରାମର୍ଶ ଦିଆଯାଇଛି । ଏନଡିଆରଏଫ ଟିମ ଓ ନୌସେନା ପକ୍ଷରୁ ଉଦ୍ଧାର କାର୍ୟ୍ୟ ଜାରି ରହିଛି ।
ମହାରାଷ୍ଟ୍ରର ରାଜଧାନୀ ମୁମ୍ବାଇ ଏବଂ ନିକଟବର୍ତ୍ତୀ ଅଂଚଳରେ ପ୍ରବଳ ବର୍ଷା କାରଣରୁ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ସ୍ଥାନୀୟ ପାଣିପାଗ ବିଭାଗ ଅନୁଯାୟୀ, ବିଗତ ୨୪ ଘଂଟା ମଧ୍ୟରେ ମୁମ୍ବାଇରେ ୧୫୦ରୁ ୧୮୦ ମିଲିମିଟର ବର୍ଷା ହୋଇଛି । ଆଜି ମଧ୍ୟ ସେଠାରେ ପ୍ରବଳ ମାତ୍ରାରେ ବୃଷ୍ଟିପାତ ହେବାରେ ଲାଗିଛି । ଫଳରେ ବିଭିନ୍ନ ସ୍ଥାନରେ ପାଣି ଜମି ରହିଛି ।
